Efeso 5:21 - U Maganda A Baheta Ni Jesu-Cristo

²¹ Pasakup kam tu balang essa bilang tanda nu pággalang moy ni Cristo.

Efeso 5:21 ပူးပေါင်းရင်းမြစ်များ

1 Corinto 16:16

a pasakup kam tu konna nide sakay tu deya man a tumáttulung tu tagapagserbi hide nu Panginoon.

2 Corinto 5:11

Kaya ngani, dipo te ánteng kame tu Diyos, ay gimitán me u atanan para maakit me u tolay hide a sumole nikuna. Tukoy nu Diyos u tunay me a pagkatolay, nakwa ay tukoy moy kami be.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Efeso 5:22

Hikam a bábbey hide, pasakup kam tu kákkabanga moy hide konna tu págpasakup moy tu Panginoon.

Efeso 5:24

Kanya ni kodya a magpasakup ni Cristo u mánnampalataya hide, ay konna be hod u bábbey hide dapat a pasakup tu kákkabanga de hide tu atanan a bagay.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

1 Timoteo 2:11

U bábbey hide ay kailangan a tahimik a magadal sakay pasakup, tu panahun nu págtoldu.

1 Timoteo 3:4

U sadile na a pamilya ay kailangan a mapangasiwaan na ti maganda. U anak na hide ay dapat a gumalang sakay sumunud nikuna.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

1 Pedro 2:13

Alang-alang tu Panginoon ay magpasakup kam tu tehhod hide a tungkulin tu banuwan moy sakay tu Hare a siya u pinakataas a pinuno tu lugar tam.

1 Pedro 2:17

Igalang moy u atanan a tolay sakay mahalán u kákkapatkákka tam ni Cristo. Mabiyag kam a tehhod a ánteng tu Diyos sakay tehhod a pággalang tu Hare.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”