Efeso 5:18 - U Maganda A Baheta Ni Jesu-Cristo

¹⁸ Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam.

Efeso 5:18 ပူးပေါင်းရင်းမြစ်များ

Mateo 23:25

Kakagbi kam, maisto hide nu Kautusan ni Moises sakay Pariseo hide! Mapagkunware kam! Lalinisán moy u luwas nu tasa sakay nu penggan moy pero u disalad nu puso moy ay putat ti daya, dámmot sakay págsamantala.

Mateo 24:49

Sakay sapulan na a bálbagán u kapareho na a utusan sakay mákpágkainan sakay mákpáginoman tu lasingero hide.

Lukas 1:15

dipo magin dakila siya tu pangileng nu Panginoon. Awan siya dapat a uminom ti alak oni ányaman a áinumán a makalasing. Sakay he palla siya tu tiyan nu ina na ay atádden dán siya ti kapangyariyan nu Banal a Ispirito.

Lukas 11:13

Ni hikamon a mágkadukás hide a tolay ay makabeto a mangatád tu mágkaganda hide a bagay tu anak moy, itod pa beman u Ama moy ti langet! Iyatád na u Banal a Ispirito tu mangaged hide nikuna!”

Lukas 12:45

Pero ni awan tapat u alipin ay kagiyán na tu sadile na a, ‘Malay palla a sumole u amo ko.’ Sakay sapulan na a bálbággán u agum hide a alipin a lállake pate u bábbey hide sakay mágkakanán siya sakay máglalasingán.

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Juan 2:10

kinagi na, “Karanyuwan, u masarap a alak u idipalongo de a ipainom tu naimbitaan hide. Ni nakainom dán hide ay hod di la a iluwas u mababa a kalase ni alak. Pero iba ka, dipo nadid mu la a inluwas u pinakamasarap a alak.”

Gimet 11:24

Mabait a tolay ti Bernabe, sakay u Banal a Ispirito u giyya na tu biyag na sakay matibay u pánnampalataya na kanya makpal pa u tolay a naakit tu Panginoon.

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

1 Corinto 11:21

Dipo u balang essa kan nikam ay magapura dán a kuman tu bilon na, kaya magaláp dán u agum sakay nalasing dán be u agum.

1 Corinto 5:11

U gusto ko a kagiyán a awan moy pákkagumanan ay u makánkagiyán hide a Kristiyano pero mággagimitán labe hide ti madukás, madadámmot, sumamba tu diyos-diyosan, magsesti, máglalasingán, sakay mágtakaw. Dyan kam mamákkan nide.

1 Corinto 6:10

u mágtakaw, u madadámmot, máglalasing, u mapagdusta sakay tu magdaya hide ay awan ti kabahagi tu kahariyan nu Diyos.

1 Tesalonica 5:7

Awan beman sáktidug ni tolay ti gibi sakay ti gibi be hide a maglasing?

Tito 1:6

U pinuno a dapat mo a idátton ay kailangan a awan ti kapintasan, essa la ti kabanga, mánnámpalataya u aanak de, sakay awan hide mágkagulo oni maigát ti págguluwan.