Efeso 5:16 - U Maganda A Baheta Ni Jesu-Cristo

¹⁶ Samantalaán moy u pagkakataun hide a makagimet kam ti maganda. Dipo makpal dán u mágkadukás a gimet ti muduwáy.

Efeso 5:16 ပူးပေါင်းရင်းမြစ်များ

Mateo 25:17

Kona labe tu nakaalap ti duwwa a libo ay tummubo be u pilak na ti duwwa a libo.

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Roma 13:11

Dapat moy iye a gimitán dipo tukoy moy a odas dán para lumukag kam. Dipo mas adene dán u odas nu kaligtasan tam kasera nikuna a nagsapul kitam a sumampalataya tu Panginoon.

1 Corinto 7:26

Iye u makagi ko nikam nadid a panahun ni sákhirap. Ni tehhod ka dán a kabanga, ay dyan mo dán hiwalayan u kabanga mo. Ni awan ka palla ti kabanga ay mas maganda ni dyan ka dálla mákkabanga. Dipo tu palagay ko ay mas maganda pa a magtulos-tulos ka tu kalagayan mo ti biyag nikuna dulawán ka nu Diyos.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Efeso 6:13

Kanya isulot moy u atanan a armas a inyatád nu Diyos nikam. Tánni tu aldew a dumemát u kadukássan ay magimet moy a mákpaglaban. Sakay káttapos nu pákpaglaban moy ay matatag kam padi tu pánnampalataya moy.

Efeso 6:15

Kailangan a lagi kam a handa a ipangaral u Maganda a Baheta a mangatád ti kapayapaan; kumán iye a sapatus moy.

Colosas 4:5

Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.