Efeso 4:30 - U Maganda A Baheta Ni Jesu-Cristo

³⁰ Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

Efeso 4:30 ပူးပေါင်းရင်းမြစ်များ

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Lukas 21:28

Nadid, ni magsapul dán a mangyare i bagayan hidenye ay dyan kam manteng, magsaya kam dipo adene dán a dumemát u kaligtasan moy.”

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Gimet 7:51

Talaga makásseng ulo moye! Awan palla nabagu i isip moye! Umád moy a sanigán u tatahoden! Ni ánya u ginimet nu dáddakál moy hide, ay itod be i gággimitán moyay. Masássuwayán kam a pirme tu Banal a Ispirito.

Roma 8:11

Sakay dipo mágyan dán nikam u Ispirito nu Diyos a nangbiyag a huway ni Jesu-Cristo, itod be a Diyos u mangatád ti biyag tu bággi moy a te kamatayan tu pamamag-itan nu Ispirito nu Diyos a mágyan nikam.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 15:54

Ni mapalitan dán ti awan mahunot u bággi sakay mapalitan dán ti awan matay u bággi ay matupad u kinagi na tu Kasulatan: “Natalo dán u kamatayan; ganap dán u tagumpay!”

1 Tesalonica 5:19

Dyan moy pugáddan u Banal a Ispirito.

Hebreo 10:29

Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Hebreo 3:10

Kanya nabate de u iyamut ko sakay kinagi ko, “Pirme hide a sumuway nikán, awan di dán sunudán u kagiyán ko.”’

Hebreo 3:17

Sakay ti deya u naiyamutan nu Diyos tu alay nu áppat a pulo a taon? Awan beman, u nagkasala hide a nágkatay tu parang?