Efeso 4:28 - U Maganda A Baheta Ni Jesu-Cristo

²⁸ U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

Efeso 4:28 ပူးပေါင်းရင်းမြစ်များ

Lukas 19:8

Timmaknág ti Zaqueo sakay kinagi na, “Panginoon, iyatád ko tu mágkahirap hide u kalahate nu kabiyagen ko. Sakay ni deya man u nadaya ko ay pumen-áppat ko a bayadan.”

Lukas 3:8

Ni talaga a nagsisi kamon tu kasalanan moy hide ay ipeta moy iye tu gimet moy hide! Dyan kam umasa a dipo gábwat kam tu lahe ni Abraham ay awan kamon maparusaan. Kagiyán ko nikam, makagimet u Diyos ti tunay a lahe ni Abraham tu pamamag-itan ni iye hide a bito.

Juan 12:6

Kinagi na iye, bakán a dipo tu págmalasakit na tu mágkahirap hide nan dipo gusto na la a mangkupit tu pilak de. Siya u mághempás tu pilak de. Sakay kákkupitán na la itod.

Juan 13:29

U akala nu agum ay inutusan la siya ni Jesus a mamale tu kailangan de tu kasayaan oni mangatád ti limus tu mágkahirap hide, dipo siya u mágsaddi tu pilak de.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

1 Corinto 4:12

Magtarabaho kame para tehhod a makan. Idáddasal me a pagpalaán u magupos nikame ti madukás; táttiisán me ni sássestiyán di kame.

2 Corinto 8:12

Dipo ni kusang-luub u pángngatad moy, tanggapán nu Diyos u ánya man a kaya moy a meatád; awan nakam pagagiden tu awan nikam.

2 Corinto 8:2

Nagdanas hide ti matindi a kahirapan, madággi iye a pagsubuk nide. Pero te kasayaan pade hide kaya masaya hide a mangatád ti makpal a tulung maski grabi u hirap de.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.