Efeso 4:24 - U Maganda A Baheta Ni Jesu-Cristo

²⁴ Sakay u dapat a ketan nikam ay u bigu moy a pagkatolay a nilalang a konna tu Diyos a awan ti kapintasan sakay banal.

Efeso 4:24 ပူးပေါင်းရင်းမြစ်များ

Lukas 1:75

Makapagserbi kitamon a te malinis a biyag tu pangileng nu Diyos mentaras a katoy kitam palla ti lutaáy.

Juan 17:17

Ilaan mu hide tu pamamag-itan nu tatahoden; u upos mo ay tatahoden.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 13:12

Adene dán a lumipas u gibi, sakay magamulaldew dán. Kanya adággen tamon u gimet hide tu kadiklámman sakay isulot tam u maganda a gimet bilang panglaban tam a katoy hide tu demlag.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 6:4

Kanya nikuna a nabawtismuwan kitam, nelábbáng kitam a kaguman ni Cristo tánni makaguman na kitam be a mabiyag. Kanya ni kodya a nabiyag ti Cristo tu pamamag-itan nu dakila a kapangyariyan nu Ama, hikitam be ay mabiyag tu bigu a biyag.

Roma 7:6

Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.

Roma 8:29

Dipo sapul pa tu itod ay tukoy dán nu Diyos ni tideya u para nikuna, pinile na dán hide a magin konna tu Anak na ati Jesus, tánni siya u magin panganay tu makpal a mátkaka.

1 Corinto 15:53

Dipo i bággiyan iye a mahunot ay mapalitan ti awan mahunot sakay u bággi a matay ay mapalitan ti awan mata-matay.

2 Corinto 3:18

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

Galacia 3:27

U ugale ni Cristo u nesulot nikam a kumán a damit nikuna a mabawtismuwan kam nikuna.

Galacia 6:15

Awan mahalaga ni nature oni awan u essa a tolay. U mahalaga ay u pángbagu nikitam nu Diyos.

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Efeso 2:15

Inibutan na u bisa nu Kautusan a puro utus sakay patakaran tánni pagessaán na u duwwa a lahe nu tolay para ti konna hod ay maghare u kapayapaan.

Efeso 6:11

Gamitán moy u atanan a armas a inyatád nu Diyos nikam tánni malabanan moy u patibung hide nu diyablo.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 1:8

Pero iye u kinagi na tungkul tu Anak na, “U kahariyan mo, O Diyos, ay awan ti kahád, u pághare mo ay tehhod a katarungan.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.