Efeso 4:17 - U Maganda A Baheta Ni Jesu-Cristo

¹⁷ Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

Efeso 4:17 ပူးပေါင်းရင်းမြစ်များ

Lukas 16:28

dipo tehhodák a limma a kákkapatkákka a lállake hod, utusan mo siya a angay na hide pagkagiyán tánni awan be hide meangay ti lugaráy a paghirapan ko.’

Gimet 14:15

“Dyan moy ina gimitán, tolay kami labe a konna nikam! Katoy kame he para ipangaral me nikam u Maganda a Baheta tánni adággen moy dán ina hide a gimet a awan ti pinagseserbiyan sakay sumole kam tu biyag a Diyos a nanggimet tu langet, tu luta, tu diget, sakay u atanan a katoy hod.

Gimet 18:5

Nikuna dimmemát di Silas sakay ti Timoteo a gábwat ti Macedonia, inyatád dán ni Pablo u buo na a odas tu pángngaral sakay magpatunay tu Judio hide a ti Jesus u Cristo.

Gimet 2:40

Makpal pa a kinagi ti Pedro pero essa la u pákkekakagbi na tu tolay hide itod ay, “Pabayan moy a maligtas kam tánni awan kam mesale tu parusa a dumemát ti madukássan iye a lahe.”

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Roma 1:21

Maski tukoy dán nu tolay a tehhod a Diyos ay awan di pade siya pinarangalan bilang Diyos oni pinasalamatan. U ginimet de ay nagisip hide ti awan ti seserbi kanya nadiklámman u isip de a awan ti tukoy.

1 Corinto 1:12

U gusto ko a kagiyán, tehhod kan a magkagi a, “Tagasunudák ni Pablo.” U kagi be nu essa ay “Tagasunudák ni Apolos.” U kagi be nu agum ay “Tagasunudák ni Pedro,” oni te magkagi pa, “Tagasunudák ni Cristo.”

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

2 Corinto 9:6

Tandaan moy iye: u magmula ti badit ay mag-ane labe ti badit, sakay u magmula ti makpal ay mag-ani labe ti makpal.

Galacia 3:17

Sa iye u gusto ko a kagiyán: pinatatag nu Diyos u kasunduwan na ni Abraham sakay inpananto na a tupadán itod. Kaya i kasunduwanan itod ay awan maare a pawanan ti bisa nu Kautusan a dimmemát la kállipas nu áppat a datos ay ti tállo a pulo a taon. Nadid, itod a Kautusan ay awan maare a mangbagu tu inpananto nu Diyos.

Galacia 5:3

Huwayán ko a kagiyán, pakatandaan moy a ni magpature kam para magin katanggap-tanggap tu Diyos, obligadu kam a sumunud tu Kautusan.

Efeso 1:22

Impasakup be nu Diyos tu kapangyariyan ni Cristo u atanan a bagay, sakay siya u indátton na a puno tu mánnampalataya hide.

Efeso 4:22

ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Colosas 2:4

Kákkagiyán ko iye nikam tánni awan kam metawtaw nu deyaman tu pamamag-itan nu mágkaganda a pággupos.

1 Tesalonica 4:6

Ni sunudán moy iye a adal ay awan dán ti mangagew nikam tu kákkabanga nu deyaman a kapareho na a tolay, lalu dán tu kabanga nu essa a tolay a kapareho na a mánnampalataya tu Diyos. Inpangaral mi dán nikam tu itod, a parusaan nu Diyos u deyaman a manggimet ti iye a kadukássan.

1 Timoteo 5:21

Iyutus ko niko tu atubang nu Diyos, sakay ni Jesu-Cristo sakay tu anghel na hide a ipatupad mo iye a awan ti panigan.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

1 Pedro 1:18

Tukoy tam dámbe ni ánya u nangtubus na nikitam tu date tam a biyag a awan ti pinagseserbiyan a mana tam palla tu nuno tam hide. U nangtubus na nikitam ay bakán a ginto oni pilak a masida sakay maubus.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.