Efeso 4:16 - U Maganda A Baheta Ni Jesu-Cristo

¹⁶ Sakay tu pámmunu na, u atanan nu bahagi nu bággi a awan ti agum nan u mánnampalataya, pinagtongko-tongko na sakay u balang essa ay mamágtulungan. Sakay tu pánggimet nu kada essa tu tungkulin de a tehhod a págmahal, u atanan a parte nu bággi ay lumagu sakay bumegsák.

Efeso 4:16 ပူးပေါင်းရင်းမြစ်များ

Juan 15:5

Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.

Roma 12:4

Ni kodya a u bággi ay makpal a parte sakay bawat parte ay tehhod a kanya-kanya a tarabaho,

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

1 Corinto 13:13

Kaya i tálluwan iye ay manatile: u pánnampalataya, pag-asa, sakay págmahal; pero u pinakamahalaga ti tálluwan iye ay u págmahal.

1 Corinto 8:1

Nadid, iye u metábbeg ko tu tanung moy tungkul tu makan a nealay tu diyos-diyosan hide. Tukoy tam, “a tehhod kitam a karunungan a atanan.” Iye a “karunungan” u rason tánni magin palalo u tolay, pero u págmahal u makapangpatibay nikitam.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Efeso 3:7

Dipo tu kagbi nu Diyos, ay nagin tagapagserbiyák na para tu Maganda a Baheta tu pamamag-itan nu kapangyariyan na.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Efeso 4:15

Nan manatili kitam tu katutuhanan a tehhod a págmahal tánni tu atanan a bagay ay magin konna kitam ni Cristo a siya u ulo nu atanan nu mánnampalataya hide.

Filipos 1:9

Idáddasal ko a nakwa ay lalo pa a lumagu u págmahal moy tu balang essa, sakay maaguman ti karunungan sakay madisalad a pákkatukoy.

Colosas 2:19

Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.

Colosas 2:2

Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

1 Tesalonica 3:12

Palaguwan pa nakwa nu Panginoon u págmahalan moy tu balang essa sakay tu atanan a tolay, konna tu págmahal mi nikam.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.