Efeso 4:10 - U Maganda A Baheta Ni Jesu-Cristo

¹⁰ U tolay a immangay ti lutaáy ay siya labe u tolay a immangay tu kataasan a lugar ti langet para siya dán u maghare tu atanan a linalang.

Efeso 4:10 ပူးပေါင်းရင်းမြစ်များ

Mateo 24:34

Pakatandaan moy: mangyari i atananan iye buhol a matay u lahi nadid.

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Juan 1:16

Nadid, dipo mahal na kitam a tahod, kanya nakatanggap kitam a atanan ti sunud-sunud a págpapala.

Juan 19:24

Kinagi nu essa a sundalo, “Diyan tamon iye pamághatiyán. Mamágbunutan kitam dálla ni ti deya keangayanay ni iye.” Nangyare iye para matupad u kinagi tu Kasulatan a, “Pinamághate-hati de u damit ko, sakay namágbunutan hide tu damit ko a pangdisalad.” Sakay iye ngane u ginimet nu sundalo hide.

Juan 19:28

Tukoy ni Jesus a natapos na dán u atanan a tarabaho na, sakay tán matupad u katoy tu Kasulatan ay kinagi na, “Mauwawák.”

Juan 19:36

Nangyare i bagayan iye hide para matupad u kinagi na tu Kasulatan, “Awan ti mapuseng maski ni essa tu tulang na hide.”

Gimet 1:11

Kinagi de, “Hikam a taga-Galilea hide, bakin katoy kam pa he a umáeleng ti langet? Ti Jesus a netan moy a immangay ti langet ay sole siya a konna tu netan moy a káangay na ti langet.”

Gimet 1:9

Pákkakagi na ti iye, ay mágga-oontok dán siya a patamo ti langet. Mentaras umáeleng hide nikuna a paontok, ay tinakáppan siya nu diklám sakay agad siya a nawan tu pangileng de.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

2 Corinto 12:2

Tehhodák a kilala a essa a Kristiyano a neangay tu katállo a langet, sapulo ay ti áppat dán a taon u nakalipas. Awan ko la tukoy ni pangitain itod oni tunay a nangyare, u Diyos la u makatukoy.

Efeso 3:19

tánni u ugali moy ay magin konna tu ugale nu Diyos, kapag matukuyan moy u awan masukat a págmahal ni Cristo, maski ni awan kitam ti kakayahan para ganap a maintendiyan iye.

Colosas 1:19

Dipo netakda dán nu Diyos a he dán tu anak na u atanan a pagka-Diyos na.

Colosas 2:9

Kaya diyan kam padaya dipo u buo a pagka-Diyos ay katoy ni Cristo maskin nagin tolay siya.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.