Efeso 3:16 - U Maganda A Baheta Ni Jesu-Cristo

¹⁶ Idáddasal ko, ayun tu kayamanan sakay tu kadakilaan na a pabegsákkán na u ispiritwal moy a biyag tu pamamag-itan nu Ispirito na,

Efeso 3:16 ပူးပေါင်းရင်းမြစ်များ

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Roma 2:29

U tatahoden a Judio ay u tolay a nabagu u puso tu pamamag-itan nu Ispirito nu Diyos, sakay bakán a dipo nature siya. U papure nikuna ay bakán a gábwat tu tolay nan gábwat tu Diyos.

Roma 7:22

Buo a pusowák a masaya tu Kautusan nu Diyos.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

2 Corinto 12:9

kinagi na nikán, “U tulung ko ay sapat tu atanan a kailangan mo; mas lalu a mehayag u kapangyariyan ko ni mahina ka.” Kaya mas masayaák a ipagmadakál u kahinaan ko tánni pabegsákkánnák nu kapangyariyan ni Cristo.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:7

Ginimet na iye para tu dumemát a panahun ay mepeta na u awan masukat sakay awan mapantayan a habag sakay págmahal nu Diyos nikitam tu pamamag-itan ni Cristo Jesus.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Efeso 6:10

Iye u dimodyan ko a kagiyán: Magpakatibay kam tu pánnampalataya moy tu Panginoon tu pamamag-itan nu dakila na a kapangyariyan.

Filipos 4:13

Magimet ku iye a atanan dipo tu begsák a inyatád nikán ni Cristo.

Filipos 4:19

Sakay u Diyos a pagserbiyan ko, siya u mangatád nikam tu atanan a kailangan moy a gábwat tu kayamanan na a awan maubus, dipo tu pákpagkaessa moy ni Cristo Jesus.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

Colosas 2:2

Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

Hebreo 11:34

Awan hide napase tu maggehab a apoy, sakay nakaligtas tu ispada nu mangbuno hide nide. U agum nide ay mágkahina pero inatádden hide nu Diyos ti begsák para magin mabegsák tu labanan, kanya natalo u sundalo hide a dayuhan.

1 Pedro 3:4

Nan u dapat moy a husayán ay u isip moy dipo iye u kagandaan a awan maglilipas. Dapat kam a magin mahinahun sakay mabait dipo itod u mahalaga tu atubang nu Diyos.