Efeso 3:10 - U Maganda A Baheta Ni Jesu-Cristo

¹⁰ tánni tu pamamag-itan nu mánnampalataya hide ay mepatengge nadid tu pinuno hide sakay tu te kapangyariyan hide ti langet u awan ti kahád a karunungan nu Diyos a nehayag ti iba-iba a paraan.

Efeso 3:10 ပူးပေါင်းရင်းမြစ်များ

Roma 11:33

Tunay ti kadakál u kabaitan nu Diyos tu tolay! Awan masukat u karunungan na! Awan tam kaya a intendiyan u plano na sakay pamamaraan!

Roma 8:38

Awanák magduwwa-duwwa a awan ti makapánghiwalay nikitam tu págmahal nu Diyos. Maski dumemát u kamatayan tam, oni biyag kitam palla, maski u anghel hide, u puno hide u bagay hide nadid a kasalukuyan, u bagay hide a pademát, u tehhod hide a kapangyariyan, u kalangkawan, u kadisaladen, oni ányaman a linalang ay awan makapánghiwalay nikitam tu págmahal nu Diyos, u págmahal a impabate na nikitam tu pamamagitan ni Cristo Jesus a Panginoon tam.

1 Corinto 1:24

Pero tu dinulaw hide nu Diyos, Judio man oni Griego, ti Cristo u kapangyariyan sakay karunungan nu Diyos.

1 Corinto 2:7

Pero u ipáppangaral me ay u lihim a karunungan nu Diyos a nelihim tu itod pero intalaga na iye para tu kapuriyan tam, bagu pa a lalangán i munduwáy.

Efeso 1:21

Kanya sakup nu kapangyariyan ni Cristo u atanan a pághare, pámmahala, kapangyariyan, sakay pámmuno. Siya u pinakamataas a ngahan, bakán la ti panahunan iye nan pate tu pademát pa.

Efeso 1:23

Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.

Efeso 1:3

Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.

Efeso 1:8

a impabate na nikitam! Inatádden na kitam ti karunungan sakay pangintendi.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Colosas 1:16

Dipo atanan a nilalang ti langet sakay ti lutaáy, ketan man oni awan, pate u ispirito hide a maghare, sakay tu mamahala hide, u mamuno hide, sakay u tehhod hide a kapangyariyan a ispiritwal ay nilalang nu Diyos tu pamamagitan na sakay para nikuna.

Colosas 2:10

Sakay dipo tu pákpagkaessa moy nikuna, ay hod dán nikam u atanan a kailangan moy tu pánnampalataya moy. Ti Cristo u puno tu atanan a te kapangyariyan sakay kapamahalaan.

Colosas 2:15

Tu pamamag-itan nu kákkatay na tu kudus, ay natalo na ti Satanas sakay u mágkadukas hide a ispirito a pamunuwan na. Sakay impeta na tu atanan a hide ay awan dán ti kaya a mamuno nikitam Iye u katunayan a nagtagumpay siya.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.