Efeso 2:4 - U Maganda A Baheta Ni Jesu-Cristo

⁴ Pero kinagbiyan kitam nu Diyos sakay minahal na kitam ti husto.

Efeso 2:4 ပူးပေါင်းရင်းမြစ်များ

Lukas 1:78

Mapagmahal sakay makákkagbiyán u Diyos tam. Dipo tu kagbi nu Panginoon nikitam ay immangay he a konna tu kássikat nu aldew.

Roma 10:12

Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:7

Ginimet na iye para tu dumemát a panahun ay mepeta na u awan masukat sakay awan mapantayan a habag sakay págmahal nu Diyos nikitam tu pamamag-itan ni Cristo Jesus.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

1 Timoteo 1:14

Sakay imbuhus nu Panginoon nikán u masagana na a págpapala, pate u pánnampalataya sakay págmahal a katoy nikitam dipo tu pákpagkaessa tam ni Jesu-Cristo.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.