Efeso 2:17 - U Maganda A Baheta Ni Jesu-Cristo

¹⁷ Sakay immangay he ti Cristo sakay inpangaral na tu atanan u Maganda a Baheta a mangatád ti kapayapaan nikam a Hentil hide a adeyo tu Diyos sakay tu Judio hide a adene nikuna.

Efeso 2:17 ပူးပေါင်းရင်းမြစ်များ

Mateo 10:13

Ni awan karapatdapat u mágyan hod ay bawiyán moy u bati moy pero ni karapatdapat hide ay dyan moy bawiyán.

Lukas 15:8

Kinagi pa ni Jesus, “Ni tehhod a sapulo a pilak u bábbey sakay nebut u essa, ánya wád i gimitán naay? Awan beman taban na u simbuwan sakay walisan na u bilay sakay pakaehyukán na hanggan ketan na itod?

Lukas 2:14

“Puriyán u Diyos a katoy ti langet, Sakay tehhod dán a kapayapaan tu tolay hide a kinasayaan na a katoy ti lutaáy!”

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 2:39

Dipo iye a pananto nu Diyos ay para nikam sakay tu kaapu-apuwan moy hide, sakay para tu atanan a tolay a katoy ti adeyo, tu balang essa a dulawán nu Panginoon a Diyos.”

Roma 10:14

Pero kodya hide a dumulaw ni awan be hide sumampalataya nikuna? Sakay kodya hide a sumampalataya ni awan palla hide nakasaneg tungkul nikuna? Sakay kodya hide a makasaneg ni awan ti mangaral?

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

Efeso 4:21

Ni talaga sinaneg moy u toldu na sakay natolduwan kam tu katutuhanan a katoy ni Jesus,