Efeso 2:14 - U Maganda A Baheta Ni Jesu-Cristo

¹⁴ Tu pamamag-itan nu kákkatay na ay pinagkasundu na kitam, hikame a Judio hide sakay hikam a Hentil hide ay pinagessa na. Inibutan na u iyamut a kumán a pader a nánghiwalay nikitam.

Efeso 2:14 ပူးပေါင်းရင်းမြစ်များ

Lukas 1:79

Tán mademlagen u katoy hide tu kadiklámman sakay u nágkatay dán ti kasalanan, Igiyya na kitamon patamo tu kapayapaan.”

Lukas 2:14

“Puriyán u Diyos a katoy ti langet, Sakay tehhod dán a kapayapaan tu tolay hide a kinasayaan na a katoy ti lutaáy!”

Juan 10:16

Tehhodák palla a agum a tupa a awan ti kudaláy. Kailangan ko be hide a pasaddapan sakay sanigan de u boses ko. Tu konna hod ay magin essa dan hide a gurupo sakay te essa hide a pastol.

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Gimet 10:28

Kinagi na, “Tukoy moy a bawal tu relihiyon me a Judio u mákpisan oni bumisita tu bakán a Judio; pero inpeta nikán nu Diyos a maskin deya man ay dyan ko ituring a madangát oni awan karapat-dapat.

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Efeso 2:15

Inibutan na u bisa nu Kautusan a puro utus sakay patakaran tánni pagessaán na u duwwa a lahe nu tolay para ti konna hod ay maghare u kapayapaan.

Efeso 2:17

Sakay immangay he ti Cristo sakay inpangaral na tu atanan u Maganda a Baheta a mangatád ti kapayapaan nikam a Hentil hide a adeyo tu Diyos sakay tu Judio hide a adene nikuna.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Efeso 4:16

Sakay tu pámmunu na, u atanan nu bahagi nu bággi a awan ti agum nan u mánnampalataya, pinagtongko-tongko na sakay u balang essa ay mamágtulungan. Sakay tu pánggimet nu kada essa tu tungkulin de a tehhod a págmahal, u atanan a parte nu bággi ay lumagu sakay bumegsák.

Colosas 1:20

Sakay tu pamamag-itan nu Anak na, ay ginusto nu Diyos a u atanan nu nilalang ti langet ay ti lutaáy ay mákpagkasundu nikuna. Iye ay tu pamamag-itan nu digi ni Cristo a nebuhus tu kákkatay na tu kudus.

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Hebreo 7:2

Inyatád nikuna ni Abraham u ikapo nu atanan a naalap na tu gera. (U purumero a kahulugan nu ngahan ni Melquisedek ay, “Hare a Matuwid.” Sakay hare be siya ni Salem, a u gusto na a kagiyán ay “Hare ni kapayapaan.”)