Efeso 2:11 - U Maganda A Baheta Ni Jesu-Cristo

¹¹ Kanya isipán moy u date moy a kalagayan: neenak kam a Hentil sakay ngángngahanan a “Awan nature” nu Judio hide. (U Judio hide ay ngángngahanan a “nature” ayun tu gággimitán de tu bággi de.)

Efeso 2:11 ပူးပေါင်းရင်းမြစ်များ

Mateo 20:7

‘Awan be ti mangatád nikami ti trabaho,’ tábbeg de. Sakay kinagi na, ‘Ni konna hod, angay kam magtrabaho tu ubasan ko. Upaan ta kam.’

Roma 11:17

U Judio hide ay konna tu essa a ponan nu kayo a olibu a kináttol u sangan tu pinget na hide. Sakay hikam a bakán a Judio ay konna tu pinget hide nu olibu a timmubu tu talon a inkabit bilang kapalit tu kináttol a pinget hide. Kanya nakinabang kam tu págpapala nu Diyos a para tu Judio hide.

Roma 2:26

Ni u hentil a awan nature ay maggimet ti maganda a ayun tu kinagi nu Kautusan, awan beman siya ibilang nu Diyos a ture?

Roma 2:27

Kanya maski hikam a Judio hide sakay nature, patunayan nu bakán hide a Judio a dapat kam a parusaan. Dipo maski awan hide ture sakay awan nide u Kautusan ay sássunudán di labe. Pero hikam a makatukoy tu Kautusan ay lumabag labe ti iye.

1 Corinto 12:2

Tu itod, nikuna awan kam palla mánnampalataya, ay netaw-taw kam tu pánniwala moy tu diyos-diyosan hide a awan be makapagupos.

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Galacia 2:15

Hikame a neenak a Judio, ay iba tu Hentil hide a inturing a makasalanan nu kákkapatkákka me a Judio.

Galacia 6:12

U tolay a mangpilit nikam a magpature ay gustu dila a puriyán hide nu agum a tolay. Konna hod gimet diyay dipo paraan de a awan hide mapahirapan a konna tu págpahirap tu tolay a magtoldu au kamatayan la ni Cristo tu kudus u makaligtas tu tolay.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Colosas 1:21

Tu itod, ay adeyo kam tu Diyos sakay nagin kadima na, dipo tu kadukássan a hod tu isip moy sakay siya be u gággimitán.

Colosas 2:11

Dipo tu pákpagkaessa moy ni Cristo, ay kumán kamon a nature. Pero bakán a tu págture a gimitán nu tolay nan u págture a gábwat ni Cristo, a awan ti agum nan tu páng-adág tu mágkadukás a kagustuwan nu bággi.

Colosas 2:13

Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.