Efeso 2:10 - U Maganda A Baheta Ni Jesu-Cristo

¹⁰ Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Efeso 2:10 ပူးပေါင်းရင်းမြစ်များ

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Juan 3:21

Pero u mabiyag tu tama ay umadene tu demlag, tán matukuyan nu atanan a u gimet na a mágkaganda ay nagimet na tu págsunud tu Diyos.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:29

Dipo sapul pa tu itod ay tukoy dán nu Diyos ni tideya u para nikuna, pinile na dán hide a magin konna tu Anak na ati Jesus, tánni siya u magin panganay tu makpal a mátkaka.

1 Corinto 3:9

Dipo pareho kami la ay ti Apolos a mágtarabaho para tu Diyos, sakay hikam u kumán a araduwan sakay hikam u kumán a bilay a ipataknág nu Diyos.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

2 Corinto 5:5

U Diyos be u nánghanda nikitam tánni tanggapán tam u bigu a bággi. U patunay ay inyatád na nikitam u Banal na a Ispirito.

2 Corinto 9:8

Sakay kaya kam a pasaganaán nu Diyos tu atanan a bagay a higit pa tu kailangan moy hide. Para tu atanan a panahun ay magin sapat kam tu atanan a bagay, tánni tehhod kam a metulung tu te kailangan hide.

Galacia 6:15

Awan mahalaga ni nature oni awan u essa a tolay. U mahalaga ay u pángbagu nikitam nu Diyos.

Efeso 1:1

Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Efeso 2:13

Pero nadid, dipo tu pákpágkaessa moy ni Cristo Jesus, hikam a date a adeyo ay neadeni dán tu pamamag-itan nu dige ni Cristo a nagbulos nikuna a matay siya tu kudus.

Efeso 2:15

Inibutan na u bisa nu Kautusan a puro utus sakay patakaran tánni pagessaán na u duwwa a lahe nu tolay para ti konna hod ay maghare u kapayapaan.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 2:6

Dipo tu pákpágkaessa tam ni Cristo Jesus, ay biniyag na kitam a huway a kaguman ni Cristo sakay pinággetnod na ti langet a kaguman na.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Efeso 4:24

Sakay u dapat a ketan nikam ay u bigu moy a pagkatolay a nilalang a konna tu Diyos a awan ti kapintasan sakay banal.

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Colosas 3:10

sakay impalit moy dán u bigu moy a pagkatolay. Tulos-tulos iye a mabagu sakay magin kahupa nu Diyos a nanglalang nikam, tánni mas lalo moy siya a matenggi.

2 Tesalonica 2:17

Atádden kam nakwa nu Diyos ti matatag a kaluuben para mepahayag moy sakay megimet u atanan a mágkaganda.

1 Timoteo 2:10

Nan u mágkaganda la a gimet u nebagay tu bábbey hide a maki-Diyos.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

1 Timoteo 5:25

Konna labe hod u agum a mágkaganda a gimet ay alisto a ketan; pero ni awan man mapansin a agad ay ketan labe iye dipo awan iye metagu ti atakdug a panahun.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

2 Timoteo 2:21

Ni deya man u umadeyo tu gimet a madukás ay konna siya tu kagamitan a gággamitán tu mágkahalaga a ukásyon. Inlaan na u sadile na para tu Panginoon sakay nakahanda a lagi a maggimet tu atanan a mágkaganda a gimet.

2 Timoteo 3:17

Tánni u tolay a magserbi tu Diyos ay awan dán ti kulang nan handa dán a maggimet tu atanan a mágkaganda a gimet.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Tito 2:7

Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo.

Tito 3:1

Ipaala-ala mo tu mánnampalataya hide hina a magpasakup tu gubiyerno. Sakay magin masássunudán hide sakay pirme a handa a maggimet ti mágkaganda.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 10:24

Sakay pagsikapan tam a pabegsákkán u balang essa tu págmahal tu agum, sakay tu pággimet ti maganda.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.