Efeso 1:23 - U Maganda A Baheta Ni Jesu-Cristo

²³ Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.

Efeso 1:23 ပူးပေါင်းရင်းမြစ်များ

Juan 1:16

Nadid, dipo mahal na kitam a tahod, kanya nakatanggap kitam a atanan ti sunud-sunud a págpapala.

Roma 13:5

Kanya magpasakup kam tu gubiyerno, bakán la a tánni maiwasan u parusa ni awan dipo iye u dapat a gimitán.

1 Corinto 12:6

Sakay tehhod be a iba-iba u ipagimet u Diyos tu balang essa nikitam pero u Diyos labe u nángkaluub tu kakayanan para gimitán iye hide.

1 Corinto 15:28

Ni nasakup dán nu kapangyariyan ni Cristo u atanan a bagay, u Anak dámman be u pasakup tu kapangyariyan nu Diyos a nángdátton tu atanan a bagay a nasakupan nu kapangyariyan nu Anak. Tu konna hod ay maghare u Diyos tu atanan.

Efeso 2:16

Nadid, eessa kitam dalla a baggi tu pamamag-itan nu kákkatay na tu kudus; inibutan na u iyamut nu duwwa a lahe tu balang essa sakay pinagkasundu na kitam tu Diyos.

Efeso 3:10

tánni tu pamamag-itan nu mánnampalataya hide ay mepatengge nadid tu pinuno hide sakay tu te kapangyariyan hide ti langet u awan ti kahád a karunungan nu Diyos a nehayag ti iba-iba a paraan.

Efeso 3:19

tánni u ugali moy ay magin konna tu ugale nu Diyos, kapag matukuyan moy u awan masukat a págmahal ni Cristo, maski ni awan kitam ti kakayahan para ganap a maintendiyan iye.

Efeso 4:10

U tolay a immangay ti lutaáy ay siya labe u tolay a immangay tu kataasan a lugar ti langet para siya dán u maghare tu atanan a linalang.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Efeso 4:13

Tánni hikitam a atanan ay magkaessa tu pánnampalataya sakay tu pákkatukoy tu Anak nu Diyos, sakay tánni magin awan kitam ti kapintasan a konna ni Cristo.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 2:19

Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.