Efeso 1:18 - U Maganda A Baheta Ni Jesu-Cristo

¹⁸ Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 1:18 ပူးပေါင်းရင်းမြစ်များ

Mateo 13:15

Dipo inumigát dán u isip moy sakay awan dán mágsaneg u talinga moy. Sakay inkiháp moy dán u mata moy. Ni awan moy ina hide ginággimet ay maketa kam nakwa tu mata moy sakay makasaneg kam nakwa tu talinga moy. Sakay maintendiyan nakwa nu isip moy tánni angay kam nikán para pagpiyyaán takam.’

Markos 10:17

Nadid, nikuna a palakad dán di Jesus ay tehhod a lállake a nagginan a immadene nikuna, limmuhud siya sakay nagtanung, “Mahusay a maisto, kagiyán mu ped ni ánya i gimitán kuway para magkahodák ti biyag a awan ti kahád?”

Lukas 24:45

Binukasan na u iisip de para maintendiyan de u Kasulatan hide.

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Roma 11:29

Dipo u Diyos ay awan magbabagu ti isip tu págpile na sakay págpapala.

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Galacia 5:5

Pero hikame ay umasa a ibilang nu Diyos a matuwid tu pamamag-itan nu tulung nu Banal a Ispirito sakay tu pánnampalataya me ni Cristo. U katupaden ni iye u pakauha-uhayán me.

Efeso 1:11

Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.

Efeso 3:16

Idáddasal ko, ayun tu kayamanan sakay tu kadakilaan na a pabegsákkán na u ispiritwal moy a biyag tu pamamag-itan nu Ispirito na,

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

Colosas 1:12

Sakay pirme kam a magpasalamat tu Ama, dipo nebilang kam a karapat-dapat a mákbahagi tu mana a para tu pinile na hide a katoy tu demlag.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

Colosas 2:2

Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

1 Tesalonica 5:8

Pero hikitam a sakup dán nu demlag ay dapat kitamon a magisip ti maayus. U pannampalataya sakay pagmahal u kuman a pangsangga a Isulot tam. Sakay u pag-asa nu kaligtasan a gimitán nikitam nu Diyos u kuman a helmet a mang-ingat nikitam.

2 Tesalonica 1:11

Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Tito 3:7

Sakay nadid ay imbilang kitamon nu Diyos a matuwid tu pamamag-itan nu kagbi na, tánni hikitam u magin tagapagmana sigun tu inpananto na a biyag a awan ti kahád a áasaan tam.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 6:4

Dipo kodya mo a mapagsise sakay pasoliyán u immadág dán hide tu pánnampalataya de? Nademlagan dán hide tu itod, naranasan di dán be u kaluub a gábwat ti langet, sakay nakatanggap be hide tu Banal a Ispirito.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.