Efeso 1:17 - U Maganda A Baheta Ni Jesu-Cristo

¹⁷ Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

Efeso 1:17 ပူးပေါင်းရင်းမြစ်များ

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Mateo 20:33

Tinumábbeg hide, “Panginoon, pagpiyyaan mo kame tán maketa kame!”

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Lukas 12:12

dipo ti odasan itona, u Banal a Ispirito u mangtoldu nikam ni ánya u dapat moy a kagiyán.”

Lukas 2:14

“Puriyán u Diyos a katoy ti langet, Sakay tehhod dán a kapayapaan tu tolay hide a kinasayaan na a katoy ti lutaáy!”

Lukas 21:15

dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Juan 14:17

Sa itod u Banal a Ispirito a magtoldu nikam ti tatahoden. Awan siya matanggap nu taga-mundu hide dipo awan siya ketan oni makilala nu tolay hide. Pero tukoy moy siya, dipo siya ay kakaguman moy a hod nikam a hanggan-hanggan.

Juan 14:26

Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 16:3

Gimitán de i iye hide a bagay dipo awanák de kilala sakay awan di be kilala u Ama.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Gimet 6:10

Pero awan hide ti magimet tu karunungan ni Esteban a inyatád nu Banal a Ispirito.

Gimet 7:2

Timmábbeg ti Esteban, “Kákkapatkákka ko hide sakay dáddakal hide, sanigán moy i kagiyán kuwáy. U dakila sakay u makapangyariyan a Diyos ay pimmeta tu nunu tam a ti Abraham nikuna katoy palla siya ti Mesopotamia bago a nágyan ti Haran.

Roma 1:28

Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

Roma 15:6

Tánni konna hod ay pisan-pisan kam a magpure tu Diyos sakay Ama nu Panginoon tam a ti Jesu-Cristo.

1 Corinto 12:8

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito.

1 Corinto 14:6

Kaya kákkapatkákka ko hide, ni ummangayák man hina sakay nagupos ti iba-iba a upos, anya u pakinabang moy nikán? Siyempre awan! Makinabang kam la ni itoldu ko nikam u mensahe nu Diyos a natukuyan ko, oni u pahayag hide nu Diyos tungkul tu mangyare hide tu dumemát a aldew, karunungan, sakay u adal hide a makatulung nikam.

1 Corinto 2:10

Pero inhayag iye nikitam nu Diyos tu pamamag-itan nu Banal a Ispirito. Dipo tukoy nu Banal a Ispirito u atanan a bagay, maskin u madisalad a karunungan nu Diyos.

1 Corinto 2:8

Essa man tu tagapamahala hide ti panahunáy nadid ay awan ti nakaintendi ti iye a lihim. Dipo ni naintendiyan di iye, ay awan di nakwa inpako tu kudus u Panginoon tam a makapangyariyan.

2 Corinto 12:1

Nadid, dipo kailangan ko a mágmadakál, maski tukoy ko a awanák ti pakinabang tu pággimet ti iye, ay itulos-tulos ko. U kagiyán ko nadid ay u pangitain sakay mensahe hide a gábwat tu Panginoon.

Efeso 1:3

Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.

Efeso 3:5

Iye a plano ay awan inpahayag nu Diyos tu tolay hide tu itod, pero impahayag na dán nadid tu banal hide a apostol sakay tu prupeta hide tu pamamag-itan nu Banal a Ispirito.

Efeso 4:13

Tánni hikitam a atanan ay magkaessa tu pánnampalataya sakay tu pákkatukoy tu Anak nu Diyos, sakay tánni magin awan kitam ti kapintasan a konna ni Cristo.

Filipos 3:15

Dapat konna hina u magin isipan tam bilang mágkatatag dán ti pánnampalataya. Ni bakán be a konna hina u isip moy ay ipakapospos iye nikam nu Diyos.

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Santiagu 2:1

Kákkapatkákka ko hide, dipo mánnampalataya kitamon ni Jesu-Cristo a Panginoon tam a dakila ay dapat awan kitam ti paboran a tolay.

2 Pedro 1:3

Tu pamamag-itan nu kapangyariyan nu Diyos. Inyatád na nikitam u atanan nu kailangan tam hide tánni mabiyag kitam a te ánteng ni Jesu-Cristo. Iye ay tu pamamagitan nu pákkatukoy tam nikuna a nangdulaw nikitam para makabahagi kitam tu karangalan na.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.

Pahayag 7:12

Kinagi de, “Amen! U Diyos tam ay karapat-dapat a puriyán, sambaán, pasalamatan sakay parangalan. Hod nikuna u kadakilaan, karunungan, kapangyariyan, sakay begsák. Puriyán siya hanggan-hanggan! Amen!”