Efeso 1:14 - U Maganda A Baheta Ni Jesu-Cristo

¹⁴ U Banal a Ispirito u katibayan a matanggap tam a gábwat tu Diyos u impanantu na hide hanggan makao tam u ganap a kaligtasan. Kaya puriyán tam u makapangyariyan a Diyos.

Efeso 1:14 ပူးပေါင်းရင်းမြစ်များ

Lukas 21:28

Nadid, ni magsapul dán a mangyare i bagayan hidenye ay dyan kam manteng, magsaya kam dipo adene dán a dumemát u kaligtasan moy.”

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 20:32

Nadid ay ipabahala takamon tu Diyos sakay tu Upos na a mangpatunay tu kabaitan na. Siya u makapangpatibay nikam sakay makapangatád tu págpapala a inhanda na tu atanan a pinile na a magin kao na.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

2 Corinto 5:5

U Diyos be u nánghanda nikitam tánni tanggapán tam u bigu a bággi. U patunay ay inyatád na nikitam u Banal na a Ispirito.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Efeso 1:11

Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.

Efeso 1:12

Ginimet na iye para hikame a nedipalongo a simmampalataya ni Cristo ay magpure nikuna dipo tu kapangyariyan na.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.