Efeso 1:10 - U Maganda A Baheta Ni Jesu-Cristo

¹⁰ káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.

Efeso 1:10 ပူးပေါင်းရင်းမြစ်များ

Mateo 25:32

Ti panahon an itod, maipon tu atubang na u atanan a tolay. Hide ay paghiwahiwalayan na. Kapareho nu gággimitán nu pastol hide tu tupa sakay kambing hide.

Markos 1:15

Kinagi na, “Dimmemát dán u odas sakay adene dán a maghare u Diyos. Kaya magsise kamon tu kasalanan moy hide sakay maniwala kam ti iye a Maganda a Baheta.”

1 Corinto 10:11

Nangyare iye nide, tánni magin adal tu atanan a tolay, sakay nesulat iye tánni matolduwan kitam a inabut dán nu dimodyan a panahun a diyan tam ahigán u mágkadukás de a ginimet.

1 Corinto 11:3

Pero gusto ko a maintendiyan moy a sakup ni Cristo u bawat lállake sakay u lállake u te sakup tu kabanga na sakay u Diyos u te sakup ni Cristo.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Efeso 1:22

Impasakup be nu Diyos tu kapangyariyan ni Cristo u atanan a bagay, sakay siya u indátton na a puno tu mánnampalataya hide.

Efeso 2:15

Inibutan na u bisa nu Kautusan a puro utus sakay patakaran tánni pagessaán na u duwwa a lahe nu tolay para ti konna hod ay maghare u kapayapaan.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Efeso 3:2

Tukoy ko a nabaheta moy dáwwad be a dipo tu habag nu Diyos ay inpagkatiwala na nikán u págpahayag tu kagbi na para nikam.

Colosas 1:16

Dipo atanan a nilalang ti langet sakay ti lutaáy, ketan man oni awan, pate u ispirito hide a maghare, sakay tu mamahala hide, u mamuno hide, sakay u tehhod hide a kapangyariyan a ispiritwal ay nilalang nu Diyos tu pamamagitan na sakay para nikuna.

Colosas 1:20

Sakay tu pamamag-itan nu Anak na, ay ginusto nu Diyos a u atanan nu nilalang ti langet ay ti lutaáy ay mákpagkasundu nikuna. Iye ay tu pamamag-itan nu digi ni Cristo a nebuhus tu kákkatay na tu kudus.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Hebreo 11:40

Iye ay dipo tehhod a mas maganda a plano u Diyos para nikitam, dipo gusto na a makaguman de kitam ni tupadán na dán u impanananto na nide a hide ay magin ganap.

Hebreo 9:10

I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.