Colosas 4:5 - U Maganda A Baheta Ni Jesu-Cristo

⁵ Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.

Colosas 4:5 ပူးပေါင်းရင်းမြစ်များ

Mateo 10:16

Kinagi pa ni Jesus tu sapulo ay ti duwwa a apostol na “Pakatandaan moy, paangayán takam tu tolay hide a umád nikán. Kumán kam a tupa a indátton tu bállog nu mágkatapang hide a hayup. Kanya ilagen moy hide konna tu biklat a alisto umilag dipo tukoy na a mepadukás siya. Pero magin mabait kam nide konna tu kalapate.

Markos 4:11

Kinagi nide ni Jesus, “Nepagkaluub nikam u karapatan a matukuyan u lihim tungkul tu pághare nu Diyos, pero tu agum ay nekagi iye tu pamamag-itan nu talinghaga.

Roma 16:19

Nabaheta dán nu atanan u katapatan tu kássunud moy tu Panginoon, sakay masayaák dipo hina. Pero u gusto ko ay magin malalake kam tu bagay hide a maganda sakay awan ti tukoy tu bagay hide a madukás.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

1 Tesalonica 4:12

Ni ina i gimitán moyay ay irespeto kam nu awan hide mánnampalataya sakay awan kam umasa tu agum tu kákkabiyag moy.

1 Timoteo 3:7

Kailangan be a igaggalang siya nu awan hide ti pánnampalataya tánni awan siya mamansaan sakay tulos a maekhutan ni Satanas.

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.

Santiagu 3:13

Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan.

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

1 Pedro 3:1

Hikam a bábbey hide, pasakup kam tu kákkabanga moy hide. Ni tehhod palla nide a awan naniwala tu upos nu Diyos ay maakit la be ina hide dipo tu maganda moy a gimet. Maski ni awan kamon magpaliwanag nide,