Colosas 4:18 - U Maganda A Baheta Ni Jesu-Cristo

¹⁸ Hikán a ti Pablo i nágsulatay ti iye a pángngumusta, tánni matukuyan moy a iye a sulat ay talaga gábwat nikán. Diyan moy kalimunan a nakapiresuwák ipagdasalák moy. Pagpalaán kam nu Diyos.

Colosas 4:18 ပူးပေါင်းရင်းမြစ်များ

Roma 16:20

U Diyos a pinaggábwatan ni kapayapaan ay adene nadán a puksaán u kapangyariyan ni Satanas tu pamamag-itan moy. Pagpalaán kam nu Panginoon Jesus.

Roma 16:22

Hikán be ti Tercio a mánampalataya be ay mákkumusta be nikam. Hikán u nagsulat ti iye a sulat ni Pablo.

Roma 16:23

Kákkumustaán kam be ni Gayo. Hikán a ti Pablo ay náktulos tu bilay na, he be a magipun-ipun u mánampalataya he hide. Kákkumustaán kam be ni Erasto a tusurero nu banuwan sakay tu kapatkákka tam a ti Cuarto.

1 Corinto 16:21

Hikán a ti Pablo u nagsulat ti iye a pángngumusta.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Colosas 4:3

Ipagdasal moy kame be a atádden kame nu Diyos ti pagkakataun a mepahayag me u upos na tungkul ni Cristo a nelihim tu itod. Iye u dahilan nu kákkepireso ko nadid.

2 Tesalonica 3:17

Hikán a ti Pablo u nagsulat ti iye a pángngumusta nikam: Iye u pirma ko tu atanan a sulat ko. Konnaák he a magsulat.

1 Timoteo 6:21

Tehhod a tolay a simmunud hide tu liwat a karunungan kaya nelise dán hide tu pánnampalataya. Pagpalaán kam nakwa nu Diyos.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 4:22

Aguman ka nakwa nu Panginoon Diyos sakay pagpalaán na ka.

Tito 3:15

Kumusta ka hina kagi nu kákkapatkákka tam hide he ti Creta a Kristiyano. Ikumustaák mo be tu atanan a kákkapatkákka tam hina ti pánnampalataya. Págpalaan kam nakwa nu Diyos a atanan.

Hebreo 13:25

Pagpalaán kam a atanan nu Diyos. Amen!

Hebreo 13:3

Isipán moy u nágkepireso hide a kumán a kaguman dikam a nakapireso. Sakay tulungan moy u kákkapatkákka a apiyadu a kumán a hikam u magdanas be ti konna hod.