Colosas 4:15 - U Maganda A Baheta Ni Jesu-Cristo

¹⁵ Ikumustaák moy dálla tu kákkapatkákka tam hide ti Laodicea, ni Nimfa sakay tu mánnampalataya hide a mamággipun-ipun tu bilay na.

Colosas 4:15 ပူးပေါင်းရင်းမြစ်များ

Roma 16:5

Ikumustaák moy be tu mánnampalataya hide a nagipun-ipun tu bilay de. Ikumustaák moy be tu mahal ko a amigu a ti Epeneto. Siya u dipalongo a nanampalataya ni Jesu-Cristo tu prubinsiya a Asia.

1 Corinto 16:9

Dipo makpál he a pagkakataun para tu págserbi tam, maski makpal u kumontara nikán.

Colosas 2:1

Nadid, gusto ko a matukuyan moy ni sa kodya ti kadakál u pághirap ko para nikam, konna be tu taga-Laodicea hide, sakay tu atanan a awan palla hide naketa nikán.

Colosas 4:13

Tistiguwák tu págsumikap na para nikam sakay tu katoy hide ti Laodicea sakay Hierapolis.

Colosas 4:16

Pákkabasa moy ti sulatan iye, ay ipabasa moy be tu mánnampalataya hide ti Laodicea. Sakay basaán moy be u sulat ko a gábwat hod.

Filemon 1:2

I sulatan iye ay para be tu kapatkákka tam a babbey a ti Apia, sakay ti Arquipo a kapareho tam a sundalo ni Cristo, Sakay para be tu mánnampalataya hide a mágsimba tu bilay mo.