Colosas 4:12 - U Maganda A Baheta Ni Jesu-Cristo

¹² Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

Colosas 4:12 ပူးပေါင်းရင်းမြစ်များ

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Lukas 1:1

Kagalang-galang a Teofilo, makpal dán u nagsikap a nagsulat tungkul tu ginimet ni Jesus nikuna a nákpágyan siya nikitam ti munduway.

Lukas 22:44

Dipo tu hirap a áisipán na ay lalo siya a nagdasal ti husto. Timmákták tu luta u inet na a kumán a dáddakkál a tuhog ni dige.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 15:30

Kanya mákkekagbiyák nikam, kákkapatkákka ko hide, alang-alang tu Panginoon a Jesu-Cristo sakay tu págmahal a gábwat tu Banal a Ispirito, tulungannák moy tu panalangin moy.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

Colosas 1:28

Itona u dahilan ni bakin a ipáppangaral me ti Cristo tu katolayan. Ipakapos-pos me sakay táttolduwan me hide tu atanan a tukoy me tungkul ni Cristo para meatubang me u balang essa tu Diyos, a awan ti kapintasan dipo tu pákpagkaessa de ni Cristo.

Colosas 1:29

Iye u gustu ko a matupad kaya magpakahirapák a magtoldu tu pamamag-itan nu kapangyariyan ni Cristo a magahikad nikán.

Colosas 1:7

Natukuyan moy iye ni Epafras, a tapat a alipin ni Cristo a mahal me a kaguman a tagapagserbi ni Cristo sakay siya u bilang bággi me nikuna nagtoldu siya nikam.

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

Colosas 4:9

Sakay kaguman na ti Onesimo, u tapat sakay mahal tam a kapatkákka ti pánnampalataya. Hide u mángbaheta nikam tu atanan a nangyare he.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

Filemon 1:23

Kumusta kan, kagi ni Epafras a kaguman ko a pumáppireso dipo ni Jesu-Cristo.

Hebreo 5:14

Pero u maigát a kanán ay para tu mágkatanda dán hide sakay tukoy na dán u maganda ay tu madukás.

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

Santiagu 1:1

Hikán ti Santiago a alipin nu Diyos sakay alipin nu Panginoon Jesu-Cristo. Magsulaták tu atanan a Judio a mánnampalataya tu Diyos a katoy tu iba-iba a lugar ti munduway. Kumusta kam la hina a atanan.

Santiagu 1:4

Kanya dapat kam a magtággád ti hirap sakay diyan manghina ti isip tánni magin ganap kam sakay u pánnampalataya moy ay awan ti kulang.

Santiagu 5:16

Kanya itapat moy tu balang essa u kasalanan moy hide sakay ipagdasal moy u balang essa tánni magpiyya kam. Dakál u magimet nu panalangin nu tolay a pirme a sumunud tu kagustuwan nu Diyos.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.