Colosas 3:8 - U Maganda A Baheta Ni Jesu-Cristo

⁸ Pero nadid, ibutan moy dán iye a atanan, pággiyamut, subra a kákkaiyamut sakay u saket ni isip. Iwasan moy dán u pángsida tu agum a tolay sakay u mágkalaswa a pággupos.

Colosas 3:8 ပူးပေါင်းရင်းမြစ်များ

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Markos 7:22

mangilállake, managhile, sakay pángloko, sakay mágkahalay, pághambug, sakay tu iba a gimet a madukás.

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

2 Corinto 12:20

Dipo mággaisipánnák a bakay tu káangay ko hina ay te ketanák a awan ko gusto nikam sakay te ketan kam be a awan moy gusto nikán. Bakay u medemáttan ko ay dimaan, seniyan, iyamután, makasadile, págsidaan, metmetan, pághambug, sakay kaguluwan.

Galacia 5:15

Pero ni tulos-tulos kam a mamágdadema a kumán a aso a magkagitan ay mangilag kam dipo makay masida moy u biyag nu balang essa.

Galacia 5:20

págsamba tu diyos-diyosan, págdipoh, pággingál, pamágdadema, pánnaghile, kákkaiyamut, pagkamadámmot, awan ti pagkakaessa sakay pamágkampe-kampe.

Galacia 5:26

Diyan kitamon magin palalo, diyan tam pagiyamután u kapatkákka tam, sakay magsállapan.

Efeso 4:22

ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

Efeso 4:25

Kanya adággen moy dán u págbule-bule sakay u tatahoden u ikagi moy tu kákkapátkákka moy hide dipo kabilang kitam tu eessa a bággi.

Efeso 4:26

Ni mágngál kamman ay diyan kam magkasala. Sakay dyan moy dán paalayán u ingál moy,

Efeso 4:29

Dyan kam magupos ti madukás; sikapán moy a palagi a u ikagi moy ay kapiyyaan nu agum sakay neayun tu pagkakataun tánni makinabang u makasaneg hide.

Efeso 5:4

Sakay awan be nerarapat a masaneg nikam u mágkalaswa hide oni awan ti pinagseserbiyan a uhunan sakay tu págbiro a awan nararapat. Nan, magin mapagpasalamat kam tu Diyos.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

Colosas 3:9

Diyan kam magbuli-bule tu balang essa, dipo inibutan moy dán be u date moy a pagkatolay pate u date hide a gimet,

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

1 Timoteo 1:20

Kabilang nide di Himeneo sakay ti Alejandro; kaya pinabayan ko dán hide tu kapangyariyan ni Satanas tánni matolduwan hide a umimang a magupos ti kontara tu Diyos.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Santiagu 2:7

Awan beman hide u mangsásseste tu dakila a ngahan ni Jesu-Cristo a nangsakup nikitam?

1 Pedro 2:1

Kanya adággen moy dán u atanan a mágkadukás, u pakándaya, pakánwari-ware, kákkaiyamut, sakay pakán upos ti awan ti pinagseserbiyan tu agum.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

2 Pedro 2:7

Pero inligtas nu Diyos ti Lot a essa a malinis a tolay. Nabalisa siya a tahod dipo tu gággimitán a mágkalaswa nu tolay hide a awan maki-Diyos.

Judas 1:13

Sakay kumán hide a tagmák nu diget a u bula na ay u makasanike de hide a gimet; kumán be hide a netawtaw a biton a nelaan tu awan ti kahád a kadiklámman.

Judas 1:8

Konna be hod u tolay hide a nákpisan nikam a magtoldu ti baka-bakán, dipo tu pangitain de hide ay maggimet hide tu atanan kagustuwan nu pilas de. Sakay dipo tu pangitain de hide ay umád de a magpasakup tu kapangyariyan nu Diyos, sakay sássestiyán de u anghel hide.

Pahayag 16:9

Nágkatutod ngane hide dipo tu tindi nu init. Pero sinumpa di pa u ngahan nu Diyos a te kapangyariyan a mángpatawed ti salutan iye hide, embes a magsise hide sakay magpure tu Diyos.