Colosas 3:4 - U Maganda A Baheta Ni Jesu-Cristo

⁴ Ti Cristo u tatahoden a biyag moy, ni mehayag dán siya, ay mehayag kambe a kaguman na sakay mákbahagi kam tu karangalan na.

Colosas 3:4 ပူးပေါင်းရင်းမြစ်များ

Mateo 13:43

Sakay dumemlag nadid u malinis hide a tolay konna tu aldew hod tu kahariyan nu Ama de. Ni ti deya u makasaneg ay pakaintendiyán na.”

Lukas 17:30

Konna labi hod i mangyariyay tu káddemát nu Anak nu Tolay.

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Juan 14:3

Kapag nakaangayák dán hod sakay nepaghanda takamon ti páppágyanan moy ay soliyák sakay kuyugán takamon tu páppágyanan ko para maski ni hádyaák ay hod kam be.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

Roma 8:18

Para nikán, u paghihirap tam nadid hide ay awan mekompara tu maganda a kalagayan a makao tam káddemát nu aldew.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

1 Corinto 1:7

Kaya awan kam nagkulang tu ányaman a pagpapala a ispirituwal, mentaras maguhay kam tu kássole nu Panginoon tam a ti Jesu-Cristo.

1 Corinto 15:43

Madukás sakay awan ti kaya u baggi a nelábbang, pero ni biyagan dán iye a huway ay maganda sakay mabegsák dán.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

1 Tesalonica 4:17

Sakay hikitam a biyag palla ay maipun tu panganurin kaguman u biniyag hide tánni tagbuwán u Panginoon tu panganurin. Tánni makaguman tam siya hanggan-hanggan.

1 Timoteo 6:14

a kailangan a sunudán mo a tehhod a katapatan u inyutus ko hide niko hanggan tu káddemát nu Panginoon a ti Jesu-Cristo.

2 Timoteo 1:1

Iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos para ipangaral u nepananto a biyag a matanggap tam tu pamamag-itan ni Cristo Jesus.

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

1 Pedro 1:13

Kanya ngani dapat kam a handa a gimitán u kaluuban nu Diyos. Magin mahinahun kam sakay ituun moy u pag-asa moy tu págpapala hide a tanggapán moy ni mehayag dán ti Jesu-Cristo.

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

1 Juan 5:12

Ni ti deyaman u nákpagkaessa tu Anak nu Diyos ay tehhod a biyag a awan ti kahád pero u awan hide nákpagkaessa tu nu Anak nu Diyos ay awan ti biyag a awan ti kahád.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:14

Pinagpala u maglinis hide tu babadu de dipo tehhod hide a karapatan a sumáddáp tu banuwan sakay kuman tu bunga nu kayo a makapangatád ti biyag.