Colosas 3:25 - U Maganda A Baheta Ni Jesu-Cristo

²⁵ U makasalanan be hide ay parusaan na ayun tu kasalanan de hide dipo u Diyos ay awan ti kampiyan.

Colosas 3:25 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Lukas 20:21

Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide.

Gimet 10:34

Kanya kinagi ni Pedro, “Nadid ko a natukuyan a pare-pareho u pangileng nikitam nu Diyos.

Roma 2:11

Dipo pare-pareho u pangileng nu Diyos tu atanan a tolay.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

Efeso 6:8

Dipo átádden nu Panginoon ti gantimpala u balang essa ayun tu ginimet na a maganda, alipin man oni bakán a alipin.

Efeso 6:9

Sakay hikam a amo hide, mákpággagum kam ti maganda tu alipin hide. Dyan moy hide pakantingán, dipo tukoy moy a pareho kam la a alipin nu eessa a Panginoon a katoy ti langet sakay pantay u pangileng na tu balang essa.

Colosas 4:1

Amo hide, magin mabait kam sakay pantay u pángtrato moy tu alipin hide. Alalahanán moy a tehhod kam be a Panginoon ti langet.

1 Tesalonica 4:6

Ni sunudán moy iye a adal ay awan dán ti mangagew nikam tu kákkabanga nu deyaman a kapareho na a tolay, lalu dán tu kabanga nu essa a tolay a kapareho na a mánnampalataya tu Diyos. Inpangaral mi dán nikam tu itod, a parusaan nu Diyos u deyaman a manggimet ti iye a kadukássan.

2 Tesalonica 1:6

Gimitán nu Diyos u karapat-dapat; talaga a parusaan na u nagpahirap hide nikam.

Filemon 1:18

Ni tehhod siya a ginimet a madukás niko oni te utang siya, ay singihán mu dálla nikán.

Hebreo 2:2

Ta u impakapospos nu anghel hide a upos ay napatunayan a tatahoden, sakay u balang sumuway oni awan sumunud ay makatanggap ti karapat-dapat a parusa.

1 Pedro 1:17

Pare-pareho u pangileng nu Diyos nikitam a atanan. Hatulan na u balang essa a ayun tu ginimet na. Kanya ni dulawán tam a Ama u Diyos ni magdasal kitam ay dapat tam labe siya a igalang, mentaras a biyag kitam palla.

Judas 1:16

Iye hide a tolay ay awan makontento tu biyag de, maseste sakay u gugusto de a sunudán ay u kagustuwan nu pilas, mágkahambug sakay sanay hide a mangloko para maalap de u gusto de.