Colosas 3:24 - U Maganda A Baheta Ni Jesu-Cristo

²⁴ Tukoy moy labe a te gantimpala kam tu Panginoon; tanggapán moy u inhanda na tu anak na hide. Dipo ti Cristo a Panginoon u págserbiyan moy.

Colosas 3:24 ပူးပေါင်းရင်းမြစ်များ

Mateo 10:41

Ni ti deya u mangtanggap tu essa a propeta dipo siya ay propeta nu Diyos ay makatanggap be gábwat tu Diyos ti gantimpala a nelaan para tu essa propeta. Sakay ni ti deya u mangtanggap tu essa a malinis a tolay dipo tu kabaitan na ay makatanggap be ti gantimpala a nelaan para tu malinis a tolay.

Mateo 5:12

Konna labi hod u ginággimet nu tolay hide tu propeta ko hide tu itod. Magkasayaan kam a tahod dipo dakál u gantimpala moy ti langet.”

Mateo 5:46

Ni u mahalán moy la ay u magmahal la nikam ay bakin gantimpalaan kam pa nu Diyos? Awan beman a gággimitán moy labe u gággimitán nu tagakolekta ti buwes hide a mágdaya?

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:5

Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Gimet 20:32

Nadid ay ipabahala takamon tu Diyos sakay tu Upos na a mangpatunay tu kabaitan na. Siya u makapangpatibay nikam sakay makapangatád tu págpapala a inhanda na tu atanan a pinile na a magin kao na.

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 14:18

U magserbi ni Cristo tu konna he a paraan ay makasaya tu Diyos sakay igalang siya nu kapareho na.

1 Corinto 11:23

Iye u adal a natanggap ko tu Panginoon sakay ibahagi ko labe iye nikam: tu gibi a nángtokyon de tu Panginoon Jesus ay nangalap siya ti tinapay.

1 Corinto 3:8

U mágmula sakay u mágdilig ay pareho la a mágtarabaho sakay balang essa ay tumanggap ti gantimpala ayun tu pagud na.

1 Corinto 7:22

U essa alipin tu itod a dinulaw nu Panginoon ay nagin malaya dán dipo tu Panginoon. Konna bi hod, u tolay a malaya nikuna dulawán ni Cristo ay nagin alipin dán ni Cristo.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Efeso 6:6

Gimitán moy iye, te maketa man oni awan bakán a para puriyán nu tolay hide nan dipo tagapagserbi kam ni Cristo sakay sumássunud ti buu a puso tu kaluuban nu Diyos.

Efeso 6:8

Dipo átádden nu Panginoon ti gantimpala u balang essa ayun tu ginimet na a maganda, alipin man oni bakán a alipin.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

1 Pedro 1:4

Sakay matanggap tam u pagpapala a awan masisida, awan ti dangát sakay awan magkukupas a inhanda nu Diyos ti langet para nikam.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

Judas 1:1

Hikán ay ti Judas, a tagapagserbi ni Jesu-Cristo, a wadi ni Santiago. I sulat kuwáy ay para tu pinile hide nu Diyos, a mabiyag tu págmahal nu Diyos a Ama sakay áalagaan ni Jesu-Cristo.