Colosas 3:19 - U Maganda A Baheta Ni Jesu-Cristo

¹⁹ Lállake hide, mahalán moy u kákkabanga moy, sakay diyan moy hide pasakitan.

Colosas 3:19 ပူးပေါင်းရင်းမြစ်များ

Lukas 14:26

“Ni deya man u masoh a sumunud nikán. Pero mas mahal na tama na sakay tena na, kabanga, anak, wáwwadi sakay u sadile na a biyag ti mas higit nikán ay awan maare a magin disepulus ko.

Roma 3:14

Sakay u lumuwas tu labi de ay puro a págseste sakay mágkasaket a upos.

Efeso 4:31

Ibutan moy dán u ányaman a saket ni isip, iyamut, pákpágdadima, pánggulo, metmet, págsida tu agum, sakay tu atanan a kalase nu madukás a ugale.

Efeso 5:25

Hikam a lállake hide, mahalán moy u kákkabanga moy hide, konna tu págmahal ni Cristo tu mánnampalataya hide. Dipo tu págmahal na ay inyalay na u biyag na para nide.

Efeso 5:33

Pero iye ay patungkul be tu balang essa nikam: hikam a lállake hide, mahalán moy u kákkabanga moy a konna tu sadili moy; hikam a bábbey hide, igalang moy u kákkabanga moy hide.

Colosas 3:21

Dáddakál hide, dyan moy págngállan ti subra u anak moy hide, bakay ni manghina hide ti isip.

Santiagu 3:14

Pero ni pagka masásseniyán sakay pagka makasadile u hod tu puso moy, ay dyan moy ipagmadakál a tehod kam a karunungan dipo kakabuliyan moy la ina sakay awan nikam u tatahoden.

1 Pedro 3:7

Nadid, hikam be a lállake hide a te manga-kákkabanga, igalang moy u kákkabanga moy hide, intendiyán moy u kahinaan de. Isipán moy a konna labe hide nikam a te karapatan a tumanggap ti biyag a awan ti kahád a kaluub nu Diyos. Gimitán moy iye tán awan ti hadlang tu págdasal moy.