Colosas 3:15 - U Maganda A Baheta Ni Jesu-Cristo

¹⁵ Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

Colosas 3:15 ပူးပေါင်းရင်းမြစ်များ

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Roma 1:21

Maski tukoy dán nu tolay a tehhod a Diyos ay awan di pade siya pinarangalan bilang Diyos oni pinasalamatan. U ginimet de ay nagisip hide ti awan ti seserbi kanya nadiklámman u isip de a awan ti tukoy.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

1 Corinto 7:15

Pero ni masoh a máksina u awan mánnampalataya tu kabanga na, pabayan moy siya a máksina. Tánni u lállake oni u bábbey a mánnampalataya ay malaya dán. Dipo dinulaw kitam nu Diyos tu mapayapa a biyag.

2 Corinto 4:15

Dipo u atanan nu págtiis me ay para tu kapiyyaán moy, tánni lalu pa a kumáppal u tolay a makatanggap tu págpapala nu Diyos. Para makpal be u magpasalamat sakay magpure nikuna.

2 Corinto 9:11

Pasaganaán nakam tu atanan a bagay para lalu kam a makatulung tu agum. Tu pamamag-itan moy ay kumakpal u magpasalamat tu Diyos dipo tu tulung moy a iyangay ko nide.

Efeso 4:16

Sakay tu pámmunu na, u atanan nu bahagi nu bággi a awan ti agum nan u mánnampalataya, pinagtongko-tongko na sakay u balang essa ay mamágtulungan. Sakay tu pánggimet nu kada essa tu tungkulin de a tehhod a págmahal, u atanan a parte nu bággi ay lumagu sakay bumegsák.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Efeso 5:1

Kanya ahigán moy u Diyos dipo atanan moy ay pinakamamahal na a anak.

Efeso 5:20

Bilang mánnampalataya tu Panginoon tam ati Jesu-Cristo lagi kam a magpasalamat tu Diyos Ama maski ánya man u mangyare nikam.

Colosas 1:12

Sakay pirme kam a magpasalamat tu Ama, dipo nebilang kam a karapat-dapat a mákbahagi tu mana a para tu pinile na hide a katoy tu demlag.

Colosas 2:7

Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.

Colosas 3:17

Sakay ánya man u gimitán moy magin tu pággupos oni tu gimet, ay gimitán moy a atanan tu ngahan nu Panginoon Jesus, sakay magpasalamat kam tu Diyos Ama tu pamamag-itan na.

1 Tesalonica 5:18

Sakay magpasalamat kam tu Diyos maski anya u mangyare. Dipo sa iye u kagustuwan nu Diyos a gimitan moy nadid a nakpagkaessa kamon ni Cristo Jesus.

1 Timoteo 2:1

Nadid, u pinakadipalongo tu atanan a ipákpágguhon ko nikam ay ipagdasal moy u atanan a tolay. Iagum moy hide tu agidán moy hide, pákkekagbi, sakay págpasalamat.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

Hebreo 13:15

Kanya pirmi kitam a magalay ti papure tu Diyos tu pamamag-itan ni Jesus, papure a mángkagi tu pákkatukoy tam tu ngahan na.

Pahayag 7:12

Kinagi de, “Amen! U Diyos tam ay karapat-dapat a puriyán, sambaán, pasalamatan sakay parangalan. Hod nikuna u kadakilaan, karunungan, kapangyariyan, sakay begsák. Puriyán siya hanggan-hanggan! Amen!”