Colosas 3:11 - U Maganda A Baheta Ni Jesu-Cristo

¹¹ Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

Colosas 3:11 ပူးပေါင်းရင်းမြစ်များ

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 15:5

Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.

Juan 17:23

Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.

Gimet 15:17

tánni ehyukán sakay sambaán nu atanan a tolay u Panginoon; Sakay u atanan a Hentil a dinulaw ko para magin kao ko.

Gimet 28:2

Mabait a tahod u tolay hod hide sakay tinanggap di kame ti maayus. Pinagnamo di kame ta madagnen dipo naguden sakay inasikaso di kame ti husto.

Gimet 28:4

Nikuna ketan nu tagahod hide u ulag a bumábbátten tu kamát ni Pablo ay nakagi de tu balang essa nide, “Talaga a mágbabono i lállakeyan iye. Nakaligtas ngane siya tu diget, pero awan be siya pinakultaden nu hed ti langet a mabiyag pa siya.”

Roma 1:14

Tehhodák a pananagutan a mángbaheta tu upos nu Diyos tu atanan a lahe nu tolay, tu mágkarunung hide sakay tu awan hide ti nagadalan.

Roma 10:12

Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 3:29

U Diyos ay bakán la a Diyos nu Judio hide, nan Diyos labe siya nu bakán hide a Judio, dipo Diyos siya nu atanan.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

1 Corinto 14:11

pero ni awan ko tukoy u upos a ginamit nu kauhon ko ay awan kame magkaintendiyan.

1 Corinto 7:19

Awan ti halaga ni ture u essa a tolay oni awan ture u mahalaga ay u kássunud tu utus hide nu Diyos.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 1:23

Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.

Efeso 2:14

Tu pamamag-itan nu kákkatay na ay pinagkasundu na kitam, hikame a Judio hide sakay hikam a Hentil hide ay pinagessa na. Inibutan na u iyamut a kumán a pader a nánghiwalay nikitam.

Efeso 2:15

Inibutan na u bisa nu Kautusan a puro utus sakay patakaran tánni pagessaán na u duwwa a lahe nu tolay para ti konna hod ay maghare u kapayapaan.

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Efeso 3:6

Sa iye u sekreto nu Diyos: tu pamamag-itan nu Maganda a Baheta, u Hentil hide ay makatanggap tu pananto hide nu Diyos kaguman nu Judio hide, sakay parte be hide nu eessa a bággi dipo tu pákpagkaessa de ni Cristo Jesus.

Efeso 6:8

Dipo átádden nu Panginoon ti gantimpala u balang essa ayun tu ginimet na a maganda, alipin man oni bakán a alipin.

Colosas 2:10

Sakay dipo tu pákpagkaessa moy nikuna, ay hod dán nikam u atanan a kailangan moy tu pánnampalataya moy. Ti Cristo u puno tu atanan a te kapangyariyan sakay kapamahalaan.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

2 Juan 1:9

Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak.