Colosas 2:8 - U Maganda A Baheta Ni Jesu-Cristo

⁸ Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

Colosas 2:8 ပူးပေါင်းရင်းမြစ်များ

Mateo 10:17

Magingat kam dipo ikasu di kam sakay haplitán di kam tu sinagoga de hide.

Mateo 16:6

Kinagi ni Jesus nide, “Mag-ingat kam tu págpaalsa nu Pariseo hide sakay Saduseo.”

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 17:32

Pákkasaneg de tu kinagi ni Pablo tungkul tu kákkabiyag a huway ay pinagtawaan siya nu agum. Kinagi be nu agum, “Gusto me a masaneg a huway i kinákkagi muwe.”

Roma 16:17

Kákkapatkákka ko hide, magingat kam tu tolay hide a maggimet ti pamágguru-gurupo nikam sakay manggággulo tu pánnampalataya moy. Magtoldu hide kontara tu adal hide a natanggap moy nikame. Kanya iwasan moy hide.

1 Corinto 10:12

Kaya ngane, magingat u magakala a matatag dán ti pánnampalataya, bakay matokso kam sakay magkasala.

1 Corinto 8:9

Pero mag-ingat kam, bakay tu kalayaan moy a kuman ti ánya man a makan ay magin rason a pagkasalaan nu mágkahina hide ti pánnampalataya.

2 Corinto 10:5

Sidaán me u bawat katuwiran a mapagmataas a manghadlang tu pángtengge nu tolay tu Diyos, sakay pasukuwán me u atanan a áisipán de hide tánni sumunud hide ni Cristo.

Galacia 1:14

Sakay tungkul be tu págsunud tu relihiyon me a Judio ay mas lamangák, nan tu kaidad ko hide, dipo talaga a sinunud ko ti husto u kaugaliyan a naggábwat tu ninuno me hide.

Galacia 4:3

Konna labe nikitam, nikuna a awan kitam palla mánnampalataya ni Cristo, alipin kitam palla nu toldu hide ti munduwáy.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Galacia 5:15

Pero ni tulos-tulos kam a mamágdadema a kumán a aso a magkagitan ay mangilag kam dipo makay masida moy u biyag nu balang essa.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 4:20

Pero bakán a konna he u natukuyan moy ni Cristo.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

Filipos 3:2

Magingat kam tu tolay hide a masássohán a maggimet ti madukás. Kumán hide a aso a magbángngal. Male u itáttoldu de dipo ipilit de a kailangan a magpature bagu hide a maligtas.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Colosas 2:22

Iye hide ay utus sakay toldu la nu tolay tungkul tu bagay hide a mawan.

Colosas 2:23

Ti bigla ileng, kumán ngane a maganda u págsamba tu anghel hide, u male a gággimitán a págpakababa sakay págpasaket tu bággi de. Pero iye hide ay awan ti metulung para mapigilan u mágkadukás a kagustuwan nu pilas.

1 Timoteo 6:20

Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

1 Pedro 1:18

Tukoy tam dámbe ni ánya u nangtubus na nikitam tu date tam a biyag a awan ti pinagseserbiyan a mana tam palla tu nuno tam hide. U nangtubus na nikitam ay bakán a ginto oni pilak a masida sakay maubus.

2 Pedro 3:17

Nadid ta tukoy moy dán iye, mahal ko hide a kákkapatkákka, dapat kam a mag-ingat para awan kam metaw-taw nu tolay hide a awan ti maganda a gimet. Tán para awan kam mehiwalay tu maganda moy a kalagayan tu atubang nu Diyos.

2 Juan 1:8

Magingat kam tánni awan mawanan ti kabuluhan u pinaghirapan me nan maalap moy u kabuuwan nu gantimpala moy.