Colosas 2:5 - U Maganda A Baheta Ni Jesu-Cristo

⁵ Maski ni awanák hina, ay lagi kam tu isip ko. Masayaák dipo mapayapa u kákkabiyag moy sakay matibay u pánnampalataya moy ni Cristo.

Colosas 2:5 ပူးပေါင်းရင်းမြစ်များ

Gimet 2:42

Nagin masipag hide tu págsaneg sakay pággadal tu itáttoldu nu apostol hide. Lagi hide a mamaggipun-ipun bilang mátkaka. Sakay hide ay pisan-pisan a kuman sakay magdasal.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

1 Corinto 11:34

Ni tehhod nikam a magaláp, ay kuman pala tu bilay de tánni awan umabut ti hatul a kaparusaan u pamággipun-ipun moy. Tungkul be tu agum pa hide a bagay, ay saka ko dálla ayusán káddemát ko hina.

1 Corinto 14:40

Pero gimitán moy u atanan a bagay tu tama sakay maayus a paraan.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

Colosas 2:1

Nadid, gusto ko a matukuyan moy ni sa kodya ti kadakál u pághirap ko para nikam, konna be tu taga-Laodicea hide, sakay tu atanan a awan palla hide naketa nikán.

1 Tesalonica 2:17

Nadid kákkapatkákka mi hide, maski sabadit la a panahun a neadeyo kame nikam ay grabi dan i ammaw miyay nikam, konna bi hod u pagkasoh me a ketan mikam a huway. Tatahoden a neadeyo kame nikam pero lagi mikam a aisipán.

1 Tesalonica 3:8

Gimmaganda u bábbatiyán me dipo tu págtulos-tulos moy a pagin matatag ti pánnampalataya.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 6:19

Iye a pag-asa tam ay matibay sakay matatag a angkla nu biyag tam. Dipo umabut iye hanggan tu dilupot nu kortina nu templo ti langet, a kabanal-banalan.

1 Pedro 5:9

Labanan moy siya sakay magpakatatag kam tu pánnampalataya moy tu Diyos. Dipo tukoy moy labe a bakán la a hikam i magdanasay ti konna he a hirap, nan pate u kákkapatkákka moy hide tu buo a mundu.