Colosas 2:4 - U Maganda A Baheta Ni Jesu-Cristo

⁴ Kákkagiyán ko iye nikam tánni awan kam metawtaw nu deyaman tu pamamag-itan nu mágkaganda a pággupos.

Colosas 2:4 ပူးပေါင်းရင်းမြစ်များ

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 24:4

Timmábbeg ti Jesus, “Mag-ingat kam a awan kam metawtaw ni ti deya man!

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Gimet 20:30

Dumemát be u panahun a tehhod a magtoldu ti kakabuliyan a gábwat labe tu gurupo moy tánni maakit de u mánnampalataya hide a humiwalay sakay mákkuyog nide.

1 Corinto 2:4

Tu pággupos ko sakay tu págbaheta ko ay awan takam inakit tu pamamag-itan nu mágkaganda hide a pággupos sakay tu karunungan nu tolay, nan tu pamamag-itan nu patunay nu Banal a Ispirito sakay tu kapangyariyan na.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Efeso 4:17

Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

2 Timoteo 2:16

Iwasan mo u uhunan hide a malaswa sakay awan ti serbi, dipo u tolay hide a mággimet ti konna he ay lalo la hide a umadeyo tu Diyos.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

1 Juan 2:18

Anak ko hide, adeni dán u katapusan a panahun! Konna tu nasássaneg moy dán a dumemát u kontara ni Cristo. Kanya nadid ay makpal dán a pummeta a kontara ni Cristo hide. Kaya tukoy tam a adene dán u katapusan.

1 Juan 2:26

Insulat ko iye nikam tánni babalaan kam tu tolay hide a masoh a mángtawtaw nikam tu liwat de a toldu.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.

2 Juan 1:7

Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 20:3

sakay imbut nu anghel tu ábbut a awan ti kahád ti kadsalad. Insiradu na u ábbut sakay tinatakan na u pintuwan tánni awan siya makaluwas sakay makapagdaya tu bansa hide mentaras awan matapos u sanglibu a taon. Pero káttapos ni itod ay mapalaya siya ti sabadit a panahun.

Pahayag 20:8

Lumuwas siya para dayaán u bansa hide ti munduway. Ipunan na u atanan a tolay para mákpaggera. U kakpal de ay konna tu baybay tu gibis nu diget iye u dáddulawán de a Gog sakay Magog.