Colosas 2:15 - U Maganda A Baheta Ni Jesu-Cristo

¹⁵ Tu pamamag-itan nu kákkatay na tu kudus, ay natalo na ti Satanas sakay u mágkadukas hide a ispirito a pamunuwan na. Sakay impeta na tu atanan a hide ay awan dán ti kaya a mamuno nikitam Iye u katunayan a nagtagumpay siya.

Colosas 2:15 ပူးပေါင်းရင်းမြစ်များ

Mateo 12:29

Awan mo masáddáp sakay mapagtakawan u bilay nu essa a makapangyariyan a tolay ni hanggan awan mo siya mapungo. Ni mapungu mu dán siya ay maari mu dán a mapagtakawan u bilay na.

Lukas 10:18

Kinagi ni Jesus, “Netan ko ti Satanas a natákneg a gábwat ti langet a kumán a kilat.

Lukas 11:22

Pero ni kalabanan sakay taluwán siya nu mas mabegsák nikuna ay alapán na u armas a áasaan na hide a pangdipensa pate u kabiyagen na hide sakay ipagatád na iye hide.

Juan 16:11

Sakay male be hide tungkul tu pághatul nu Diyos dipo ti Satanas a mángdipalongo he ti munduwáy ay nahatulan dán a awan dán ti karapatan a maghare.

Juan 19:30

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

1 Corinto 15:24

Káttapos ni itod dumemát u katapusan. Sakay káttapos a matalo ni Cristo u atanan nu kaharian, pamahalaan sakay kapangyariyan ay iyatád na tu Diyos a Ama u pághare tu atanan.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Efeso 3:10

tánni tu pamamag-itan nu mánnampalataya hide ay mepatengge nadid tu pinuno hide sakay tu te kapangyariyan hide ti langet u awan ti kahád a karunungan nu Diyos a nehayag ti iba-iba a paraan.

Efeso 4:8

Konna tu kinagi na tu Kasulatan, “Nikuna summole siya ti langet, ay ingkuyog na u pireso hide, Sakay inátadden na ti kaluub u tolay hide.”

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Colosas 1:16

Dipo atanan a nilalang ti langet sakay ti lutaáy, ketan man oni awan, pate u ispirito hide a maghare, sakay tu mamahala hide, u mamuno hide, sakay u tehhod hide a kapangyariyan a ispiritwal ay nilalang nu Diyos tu pamamagitan na sakay para nikuna.

Colosas 2:10

Sakay dipo tu pákpagkaessa moy nikuna, ay hod dán nikam u atanan a kailangan moy tu pánnampalataya moy. Ti Cristo u puno tu atanan a te kapangyariyan sakay kapamahalaan.

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.