Colosas 1:9 - U Maganda A Baheta Ni Jesu-Cristo

⁹ Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

Colosas 1:9 ပူးပေါင်းရင်းမြစ်များ

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Gimet 12:5

Kanya nanatile a pumáppireso ti Pedro. Pero mahigpit siya a idáddasal nu mánnampalataya hide.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

1 Corinto 1:5

Dipo tu pákpágkaessa moy ni Cristo ay limmagu kam tu atanan a bagay, magin ti paggupos sakay karunungan.

Efeso 1:8

a impabate na nikitam! Inatádden na kitam ti karunungan sakay pangintendi.

Efeso 5:10

Sakay pagadalan moy ni ánya u makasaya tu Panginoon.

Efeso 5:17

Dyan kam umaheg tu mangmang hide. Nan tukuyán moy ni ánya u kaluuban nu Panginoon a gimitan moy.

Efeso 6:6

Gimitán moy iye, te maketa man oni awan bakán a para puriyán nu tolay hide nan dipo tagapagserbi kam ni Cristo sakay sumássunud ti buu a puso tu kaluuban nu Diyos.

Filipos 1:4

Kada ipagdasal takam a atanan ay grabi u saya ko

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

Colosas 4:5

Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 5:17

Pirme kam a magdasal.

2 Tesalonica 1:11

Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

Filemon 1:4

Pirmiyák a magpasalamat tu Diyos kada ipagdasal taka,

Filemon 1:6

I dasal ku la a mas lalo mu pa a ipakapospos tu agum u pánnampalataya mo. Tánni lumagu u pang-unawa mo tu atanan a mágkaganda a bagay a neatád nikitam dipo he nikitam ti Cristo.

Hebreo 10:36

Kailangan kam a magtiis tánni masunud moy u kaluuban nu Diyos sakay matanggap moy u inpananto na.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

1 Pedro 2:15

Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

1 Juan 2:17

Iye hide sakay i munduway ay mawan pero u sumunud tu kagustuwan nu Diyos ay mabiyag hanggan-hanggan.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.