Colosas 1:6 - U Maganda A Baheta Ni Jesu-Cristo

⁶ Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

Colosas 1:6 ပူးပေါင်းရင်းမြစ်များ

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Markos 16:15

Sakay kinagi nide ni Jesus, “Umangay kam tu buo a mundu sakay ipangaral moy u Maganda a Baheta tu atanan a tolay.

Markos 4:8

Sakay te netákneg be a bine tu maganda a luta. Timmubu iye sakay immoya, sakay nagbunga ti makpal, te tággi tállo a pulo sakay ánnám a pulo, sakay tággi datos a butil u bawat essa.”

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 17:19

Sakay alang-alang nide ay inlaan ko i sadile kuwáy niko, tán melaan be hide niko tu pamamag-itan nu tatahoden.

Juan 4:23

Pero, dumemát dán u panahun sakay nadid dán ngane, autunay a pagsamba nu tolay tu Diyos a Ama ay pagsamba agabwat tu malinis a kaisipan sakay ayun tu tatahoden. Dipo konna he a kássamba u ehyukán nu Ama.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 12:24

Pero u Upos nu Diyos ay kimmalat sakay nágkakakáppal u mánnampalataya hide.

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Roma 1:13

Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Roma 15:28

Pákkeangay ko tu nakagi a tulung tu kákkapatkákka hide ti Jerusalem, maglakadák a tamo hina nikam baguwák a angay ti Ispanya.

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

2 Corinto 10:14

Bakán a essa a págmadakál ni kagiyán me a hikam u nagin bunga nu gawain me dipo ina u tatahoden. Awan beman hikame u dipalongo a immangay hina nikam, a tawed u Maganda a Baheta tungkul ni Cristo?

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Efeso 3:2

Tukoy ko a nabaheta moy dáwwad be a dipo tu habag nu Diyos ay inpagkatiwala na nikán u págpahayag tu kagbi na para nikam.

Efeso 4:21

Ni talaga sinaneg moy u toldu na sakay natolduwan kam tu katutuhanan a katoy ni Jesus,

Efeso 4:23

Nan pakultaden moy a baguwan nu Banal a Ispirito u isip moy sakay tu ugali moy.

Efeso 5:9

Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 4:17

Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

1 Tesalonica 1:5

Impakapos-pos me nikam u Maganda a Baheta a awan kame nagduwwa-duwwa, sakay bakán la a tu pággupos nan tu kapangyariyan nu Diyos sakay tu tulung nu Banal a Ispirito. Sakay netan moy ni kodya kame a nabiyag nikuna nákpágyan kami hina. Ginimet mi ina para tu kapiyaan moy.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.