Colosas 1:4 - U Maganda A Baheta Ni Jesu-Cristo

⁴ dipo nabaheta me u pánnampalataya moy ni Cristo-Jesus sakay u págmahal moy tu atanan a pinile nu Diyos,

Colosas 1:4 ပူးပေါင်းရင်းမြစ်များ

2 Corinto 7:7

Sakay bakán la a tu káddemát na u nangpasaya nikame nan u kabaitan a ginimet moy nikuna. Imbaheta na a maammaw kam a tahod nikán. Imbaheta na be u kalungkutan moy dipo tu nangyare hide, sakay u págmalasakit moy nikán, kaya mas laluwák a minasaya.

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 1:15

Kanya sapul nikuna mabaheta ko u pánnampalataya moy tu Panginoon tam a ti Jesus sakay tu págmahal moy tu atanan a sakup hide nu Diyos,

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 3:6

Nadid ay nagsole dán he ti Timoteo, maganda u inbaheta na tungkul tu pánnampalataya sakay págmahal moy. Sakay inbaheta na be nikame a pirme moy kame a maalaala sakay tunay u pagkasoh moy a metan kame. Konna tu pagkasoh me a metan mikam.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

Filemon 1:5

dipo nabaheta ko a dakál u págmahal mo tu atanan a mánnampalataya hide, sakay nanalig ka ti husto tu Panginoon Jesus.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Juan 3:14

Tukoy tam a inumagton kitamon tu biyag gábwat tu kamatayan. Tukoy tam iye dipo mahal tam u kákkapatkákka tam hide. U awan magmahal ay manatile a hiwalay tu Diyos.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.