Colosas 1:29 - U Maganda A Baheta Ni Jesu-Cristo

²⁹ Iye u gustu ko a matupad kaya magpakahirapák a magtoldu tu pamamag-itan nu kapangyariyan ni Cristo a magahikad nikán.

Colosas 1:29 ပူးပေါင်းရင်းမြစ်များ

Lukas 13:24

Kinagi na nide, “Pilitán moy a makasáddáp tu mapiit a pintuwan. Makpal u masoh a sumáddáp hod pero awan makasáddáp.

Roma 15:20

U pinakagugusto ko ay mepangaral u Maganda Baheta tu lugar hide a awan palla nepangaral ti Cristo tánni awanák makapangaral tu lugar a tehhod dán a tarabaho a sinapulan nu iba.

Roma 15:30

Kanya mákkekagbiyák nikam, kákkapatkákka ko hide, alang-alang tu Panginoon a Jesu-Cristo sakay tu págmahal a gábwat tu Banal a Ispirito, tulungannák moy tu panalangin moy.

1 Corinto 12:11

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

1 Corinto 12:6

Sakay tehhod be a iba-iba u ipagimet u Diyos tu balang essa nikitam pero u Diyos labe u nángkaluub tu kakayanan para gimitán iye hide.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

2 Corinto 11:23

Tukoy ko a kumánnák dán a essa a magaheng, pero ni kagiyán de a tagapagserbi hide ni Cristo, mas malalakeyák a tagapagserbi ni Cristo nan hide. Susubra u págpagud ko nan hide; sangan a besesák a nepireso, nabálbág sakay pirme a te áng-áng ti kamatayan.

2 Corinto 13:3

Gimitán ko iye tánni mapatunayan nikam a ti Cristo ay magupos tu pamamag-itan ko, dipo iye u áehyukán moy nikán. Awan siya mahina tu págdisiplina na nikam, nan makapangyariyan.

2 Corinto 5:9

Kaya ngani, u pinakagugusto me ay makasaya kame tu Diyos, he man ti munduwáy oni ti langet.

2 Corinto 6:5

Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

Efeso 1:19

Sakay ipagdasal ku be a matukuyan moy u awan ti kahád a kapangyariyan na nikitam a manalig nikuna. Itod be a kapangyariyan,

Efeso 3:20

Nadid, puriyán tam u Diyos a makagimet tu higit pa tu agidán sakay isipán tam hide, tu pamamag-itan nu kapangyariyan na a magahikad nikitam.

Efeso 3:7

Dipo tu kagbi nu Diyos, ay nagin tagapagserbiyák na para tu Maganda a Baheta tu pamamag-itan nu kapangyariyan na.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 1:30

Nadid, danasán moy ngane u pághirap a netan moy a dinanas ko tu itod sakay nabaheta moy a dáddanasán kupa de hanggan nadid.

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Colosas 2:1

Nadid, gusto ko a matukuyan moy ni sa kodya ti kadakál u pághirap ko para nikam, konna be tu taga-Laodicea hide, sakay tu atanan a awan palla hide naketa nikán.

Colosas 2:12

Sakay nikuna mabawtismuwan kamon, ay kumán kamon a nelábbáng a kaguman ni Cristo sakay nabiyag kam a huway a kaguman na dipo tu pánniwala moy tu kapangyariyan nu Diyos a nangbiyag nikuna a huway.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Tesalonica 2:9

Kákkapatkákka mi hide, siguradu a matandaan moy palla ni kodya kame a nagpagud a nagtrabaho aldew ay ti gibi tánni awan kami la makadágge nikam mentaras a ipakapospos me nikam u Maganda a Baheta a gábwat tu Diyos.

2 Tesalonica 3:8

Awan kame immasa maski ni ti deya nikam tu kákkabiyag me, nan binayaden me u natanggap me nikam. Aldew ay ti gibi ay nagtarabaho kame para awan kame kailangan a mangabala nikam a mangaged ti magastus me.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

Hebreo 12:4

Tu pághirap moy kontara tu kasalanan ay awan palla dimmemát tu punto a mabuno kam.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

Pahayag 2:3

Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.