Colosas 1:28 - U Maganda A Baheta Ni Jesu-Cristo

²⁸ Itona u dahilan ni bakin a ipáppangaral me ti Cristo tu katolayan. Ipakapos-pos me sakay táttolduwan me hide tu atanan a tukoy me tungkul ni Cristo para meatubang me u balang essa tu Diyos, a awan ti kapintasan dipo tu pákpagkaessa de ni Cristo.

Colosas 1:28 ပူးပေါင်းရင်းမြစ်များ

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

Mateo 3:7

Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos?

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Markos 6:34

Káawas ni Jesus tu abang ay netan na u tunay ti káppal a tolay. Nahabag siya nide dipo kumán hide a tupa a awan ti pastol, kanya tinolduwan na hide ti makpal a bagay.

Lukas 21:15

dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 11:20

Pero u iba tu mánnampalatay hide a taga-Chipre sakay taga-Cirene, a immangay ti Antioquia sakay nangaral be tu Griego hide tu Maganda Baheta tungkul tu Panginoon a ti Jesu-Cristo.

Gimet 13:38

Dapat moy a matukuyan kákkapatkákka ko hide a tu pamamag-itan ni Jesus ay napatawad dán u kasalanan tam.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 17:3

impaliwanag na sakay pinatunayan na a dapat pa a magdanas ti hirap u Cristo sakay mabiyag a huway. Kinagi na a, “Ti Jesus a ibábbaheta ko nikam ay siya u Cristo!”

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Gimet 3:20

tánni matanggap moy u bigu a begsák a gábwat tu Panginoon. Káttapos ay paangayán na he a huway ti Jesus, u Cristo a intakda na a mángligtas nikam.

Gimet 5:42

Kanya kada aldew ay angay hide tu templo sakay tu iba-iba a bilay sakay hed hod hide a mangaral tungkul ni Jesus, a siya u Cristo.

Gimet 8:35

Nadid, impaliwanag ni Felipe u gusto a kagiyán nu binasa nu pinuno sakay intoldu na u Maganda a Baheta tungkul ni Jesus.

Gimet 8:5

Immangay ti Felipe tu essa a banuwan ti Samaria sakay intoldu na hod u tungkul ni Cristo.

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

1 Corinto 1:23

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 12:8

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito.

1 Corinto 15:12

Nadid, ni ipáppangaral me nikam a nabiyag a huway ti Cristo, bakin a kákkagiyán nu agum nikam a awan mabiyag a huway u nágkatay hide?

1 Corinto 2:15

U tolay a te Ispirito nu Diyos ay maare na a matukuyan u kahalagaan nu atanan a bagay ni iye ay maganda oni awan pero u tolay a awan nikuna u Ispirito nu Diyos ay awan na matukuyan u tolay a tehhod a Ispirito nu Diyos.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

1 Corinto 4:14

Awan ko iye insulat para ipasanike kam, nan para payuwan takam bilang anak ko hide a pinakamamahal.

2 Corinto 10:14

Bakán a essa a págmadakál ni kagiyán me a hikam u nagin bunga nu gawain me dipo ina u tatahoden. Awan beman hikame u dipalongo a immangay hina nikam, a tawed u Maganda a Baheta tungkul ni Cristo?

2 Corinto 11:2

Dakál u págmalasakit ko nikam konna tu págmalasakit nu Diyos. Konna kam tu essa a malinis a madiket a ingkasundu ko tu essa a lállake, ni Cristo.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Efeso 5:27

Tánni meatubang na u mánnampalataya hide tu sadile na a maganda, banal, awan ti kapintasan sakay ányaman a dangát.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

Colosas 2:10

Sakay dipo tu pákpagkaessa moy nikuna, ay hod dán nikam u atanan a kailangan moy tu pánnampalataya moy. Ti Cristo u puno tu atanan a te kapangyariyan sakay kapamahalaan.

Colosas 2:3

Katoy nikuna u atanan a karunungan nu Diyos. Siya u kumán a suse para maitendiyan u isip nu Diyos.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Tesalonica 4:6

Ni sunudán moy iye a adal ay awan dán ti mangagew nikam tu kákkabanga nu deyaman a kapareho na a tolay, lalu dán tu kabanga nu essa a tolay a kapareho na a mánnampalataya tu Diyos. Inpangaral mi dán nikam tu itod, a parusaan nu Diyos u deyaman a manggimet ti iye a kadukássan.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

Hebreo 10:14

Kanya tu pamamag-itan la nu pumensan na a pággalay, ay pinaginbanal na hanggan-hanggan u lininis na hide.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

2 Pedro 3:15

Alalahanán moy a kaya awan palla dumemát u Panginoon ay para atádden na pa ti pagkakataun a maligtas u tolay hide, konna tu insulat nikam nu kapatkákka tam a ti Pablo tu pamamag-itan nu karunungan a inyatád nikuna nu Panginoon.