Colosas 1:27 - U Maganda A Baheta Ni Jesu-Cristo

²⁷ Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

Colosas 1:27 ပူးပေါင်းရင်းမြစ်များ

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Lukas 17:21

sakay awan be ti magkagi a nagsapul dán iye hode oni heeh. Dipo i tahoday ay nagsapul dán a maghare u Diyos nikam.”

Juan 14:17

Sa itod u Banal a Ispirito a magtoldu nikam ti tatahoden. Awan siya matanggap nu taga-mundu hide dipo awan siya ketan oni makilala nu tolay hide. Pero tukoy moy siya, dipo siya ay kakaguman moy a hod nikam a hanggan-hanggan.

Juan 14:20

Tu káddemát ni itona a odas ay matukuyan moy a hodák tu Ama. Sakay hikam ay hod kam be nikán, sakay hikán ay hodák be nikam.

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 17:26

Inpatengge taka nide, sakay tulos-tulos ko iye a gimitán para u págmahal mo nikán ay hod be nide sakay hikán be ay hod nide.”

Juan 6:56

U kuman tu bággi ko sakay uminom tu dige ko ay manatile nikán, sakay manatiliyák be nikuna.

Roma 11:33

Tunay ti kadakál u kabaitan nu Diyos tu tolay! Awan masukat u karunungan na! Awan tam kaya a intendiyan u plano na sakay pamamaraan!

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Roma 5:2

Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Roma 8:10

Pero dipo mágyan dán nikam ti Cristo maski matay dán u bággi moy dipo tu kasalanan ay biyag u ispirito moy dipo imbilang kamon nu Diyos a matuwid.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

1 Corinto 3:16

Awan moy beman tukoy a templo kam nu Diyos dipo mágyan nikam u Ispirito na?

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

2 Corinto 6:16

U Diyos u hed nikitam kaya hikitamon u Templo nu Diyos a biyag dipo hina madukás nite ugnayan u Templo nu Diyos tu diyos-diyosan. Siya dán u nagkagi: “Mágyanák sakay mákkabiyagák nide, Hikán u magin Diyos de, sakay hide ay magin kao ko.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:22

Dipo tu pákpagkaessa moy nikuna, ay kaguman kam be tu páppágyanan nu Diyos tu pamamag-itan nu Ispirito.

Filipos 4:19

Sakay u Diyos a pagserbiyan ko, siya u mangatád nikam tu atanan a kailangan moy a gábwat tu kayamanan na a awan maubus, dipo tu pákpagkaessa moy ni Cristo Jesus.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

Colosas 2:3

Katoy nikuna u atanan a karunungan nu Diyos. Siya u kumán a suse para maitendiyan u isip nu Diyos.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

1 Timoteo 1:1

Gábwat iye a sulat nikán a ti Pablo a apostol ni Jesu-Cristo ayun tu utus nu Diyos a Tagapagligtas tam sakay ni Cristo Jesus a pag-asa tam.

Hebreo 6:19

Iye a pag-asa tam ay matibay sakay matatag a angkla nu biyag tam. Dipo umabut iye hanggan tu dilupot nu kortina nu templo ti langet, a kabanal-banalan.

1 Juan 4:4

Anak ko hide, kao kamon nu Diyos sakay napagtagumpayan moy dán u liwat hide a prupeta. Dipo u Ispirito a katoy nikam ay mas makapangyariyan nan u ispirito a katoy ti munduway.

Pahayag 3:20

Tandaan moy, mágtaknággák tu luwas nu pintuwan a makán toktokán. Ni deya man u mangsaneg tu boses ko sakay bukasan na u pintuwan ay sumáddáppák tu bilay na sakay mággatubang kame a kuman.