Colosas 1:18 - U Maganda A Baheta Ni Jesu-Cristo

¹⁸ Ti Cristo u ulo nu mánnampalataya hide sakay hide u bággi na. Siya u pinaggábwatan nu biyag a awan ti kahád, dipo siya u kadipalonguwan a nabiyag a huway tánni siya u pinakadakila tu atanan.

Colosas 1:18 ပူးပေါင်းရင်းမြစ်များ

Mateo 23:8

Pero hikam ay dyan kam padulaw a maisto dipo essa la u Maisto moy sakay hikam a atanan ay matkaka.

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Juan 1:1

Bago u sapul átna dán u Upos. Kaguman nu Upos u Diyos sakay u Upos ay mismo a Diyos.

Juan 1:16

Nadid, dipo mahal na kitam a tahod, kanya nakatanggap kitam a atanan ti sunud-sunud a págpapala.

Juan 1:27

Siya u kinagi ko a, ‘Dumemát a sumunud nikán, pero awanák karapat dapat maski mangibut tu igut nu sapatus na.’”

Gimet 26:23

a kailangan a maghirap ti Cristo, sakay siya u kadipalonguwan a mabiyag a huway para mángligtas tu kabanuwan na hide a Judio sakay tu Hentil hide.”

Roma 8:29

Dipo sapul pa tu itod ay tukoy dán nu Diyos ni tideya u para nikuna, pinile na dán hide a magin konna tu Anak na ati Jesus, tánni siya u magin panganay tu makpal a mátkaka.

1 Corinto 11:3

Pero gusto ko a maintendiyan moy a sakup ni Cristo u bawat lállake sakay u lállake u te sakup tu kabanga na sakay u Diyos u te sakup ni Cristo.

1 Corinto 12:27

Nadid, hikam u bággi ni Cristo. Sakay u bawat essa ay parte nu bággi na.

1 Corinto 15:25

Dipo ti Cristo ay dapat a maghare hanggan matalo na sakay mapasuko na u atanan a kadima na.

Efeso 1:10

káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.

Efeso 5:23

Dipo u lállake u ulo nu kabanga na, konna ni Cristo a ulo sakay tagapagligtas nu mánnampalataya hide a bággi na.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 2:19

Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.

1 Juan 1:1

Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 1:8

Kinagi nu Panginoon a Diyos, “Hikán u Alpa sakay u Omega.” U Sapul sakay Katapusan nu atanan a bagay. Siya u Diyos a hoddán hina tu sapul pa, sakay katoy hanggan nadid, sakay hanggan-hanggan. Siya u Diyos a makapangyariyan tu atanan.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.

Pahayag 22:13

Hikán u Alpa sakay tu Omega, u purumero ay tu dimodyan, u Sapul ay tu Katapusan.”

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.