Colosas 1:13 - U Maganda A Baheta Ni Jesu-Cristo

¹³ Inligtas na kitam tu kapangyariyan nu kadiklámman sakay inyagton na kitam tu kahariyan nu pinakamamahal na a Anak.

Colosas 1:13 ပူးပေါင်းရင်းမြစ်များ

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Lukas 13:24

Kinagi na nide, “Pilitán moy a makasáddáp tu mapiit a pintuwan. Makpal u masoh a sumáddáp hod pero awan makasáddáp.

Lukas 22:53

Aldew-aldiwák a magtoldu tu Templo sakay katoy kam bi hod, pero awanák moy dinakáp. Pero nadid ay panahun moy dán sakay panahon dambe nu paghare nu kapangyariyan ni Satanas.”

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 3:35

Mahal a tahod nu Diyos u Anak na, sakay impabahala na nikuna u atanan a bagay tu kapangyariyan na.

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

2 Corinto 11:14

Sakay awan iye págtakaan! Dipo maski ti Satanas ay maare a magkunware a anghel nu Diyos.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Efeso 1:6

Puriyán tam u Diyos dipo tu makataka-taka a kagbi na a inyatád na nikitam tu pamamag-itan nu pinakamamahal na a Anak.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

2 Pedro 1:11

Ni konna hod ay masaya u Diyos a mangpasáddáp nikam tu awan ti kahád a kahariyan nu Panginoon sakay tagapagligtas tam a ti Jesu-Cristo.

1 Juan 2:8

Pero mebilang a bigu a utus i insulat kuwáy nikam; metan i tatahodinan iye tu biyag ni Cristo sakay tu biyag moy. Dipo mawan dán u kadiklámman sakay mágdadedemlag dán u tunay a demlag.

1 Juan 3:14

Tukoy tam a inumagton kitamon tu biyag gábwat tu kamatayan. Tukoy tam iye dipo mahal tam u kákkapatkákka tam hide. U awan magmahal ay manatile a hiwalay tu Diyos.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.