2 Timoteo 4:7 - U Maganda A Baheta Ni Jesu-Cristo

⁷ Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

2 Timoteo 4:7 ပူးပေါင်းရင်းမြစ်များ

Lukas 11:28

Pero timmábbeg ti Jesus, “Mas mapalad u mágsaneg sakay sumássunud tu upos nu Diyos!”

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Juan 17:6

Inpakilala taka tu tolay hide a inyatád mo nikán ti munduwáy. Kao mo hide sakay inyatád mo hide nikán, sakay sinunud de u upos mo.

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Gimet 13:25

Sakay nikuna adene dán a matapos ti Juan tu gimet na ay kinagi na tu tolay hide, ‘Ti deyaák beman tu palagay moy? Bakán a hikán u Cristo. Pero dumemát siya a kasunud ko. Sakay awanák karapat-dapat maskin tagaibut tu sandalyas na.’”

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Filipos 1:30

Nadid, danasán moy ngane u pághirap a netan moy a dinanas ko tu itod sakay nabaheta moy a dáddanasán kupa de hanggan nadid.

1 Timoteo 1:18

Anak ko a Timoteo, iyintrega ko niko i bagayan iye ayun tu nehula dán tungkul niko. Tánni tu pangtupad mo ti hidenye ay magkahod ka ti tapang a umatubang tu kumontara hide tu tama a toldu,

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

1 Timoteo 6:20

Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

2 Timoteo 1:14

Tu tulung nu Banal a Ispirito a katoy nikitam, ay ingatan mo u atanan a tatahoden a toldu a nepagkatiwala niko.

2 Timoteo 3:10

Pero hiko Timoteo, ay tukoy-tukoy mo u atanan a itáttoldu ko, u kákkabiyag ko, u layunin ko ti biyag, u pánnampalataya ko, u págtiyaga ko, u págmahal ko, sakay u katapatan ko.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 3:8

Tukoy ko u gággimitán moy hide. Tukoy ko a sabadit la u kakayanan moy, pero sinunud moy u toldu ko sakay nagin matapat kam nikán. Nan binukasan ko u pintuwan a sáddáppan moy a awan mesiradu nu maskin ti deya.

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.