2 Timoteo 4:5 - U Maganda A Baheta Ni Jesu-Cristo

⁵ Kaya hiko, lagi ka a magpugád ti kada-odas, pagtiisan mo u hirap hide a dumemát niko. Gimitán mo u tungkulin nu essa a mángngaral tu Maganda a Baheta. Tupadán mo u tungkulin mo bilang tagapagserbi nu Diyos.

2 Timoteo 4:5 ပူးပေါင်းရင်းမြစ်များ

Mateo 25:16

Lummakad a pagdaka u nakaalap ti limma a libo a piso sakay nagnegosyo siya. Sakay timmubo u pilak na ti limma a libo a piso be.

Markos 13:34

Iye ay maare tam a ipareho tu essa a tolay a umangay tu adeyo a lugar: bagu siya a lumakad tu bilay na ay inatádden na u bawat essa tu utusan na hide ti tarabaho, sakay kinagiyan na u tagabantay tu pintuwan a dapat lagi a handa tu káddemát na.

Markos 13:37

Iye u bilin ko nikam sakay tu atanan a tolay: pirme kam a nakahanda!”

Lukas 12:37

Pinagpala u alipin hide a demáttan na a awan tidug sakay nakahanda tu káddemát nu amo de. Kagiyán ko nikam, pággetnudan na hide tu lamisaan sakay serbiyan na hide mentaras a kuman hide.

Gimet 21:8

Tu kadimadimangan ay nagdiretso kame ti Cesarea sakay náktulos tu bilay ni Felipe a essa be a mangngaral tu Maganda a Baheta. Essa siya tu pitto a lállake a napile ti Jerusalem tu itod.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Colosas 1:25

Nagin tagapagserbiyák na para tu mánnampalataya hide nikuna a piniliyák nu Diyos para ganap a mepahayag nikam u upos na.

Colosas 4:17

Sakay kagiyán moy pay ni Arquipo a itulos-tulos na u gawain a tinanggap na tu Panginoon.

1 Tesalonica 5:6

Kanya dapat kitam a pirme a lukag sakay nakahanda sakay malinaw ti pággisipan. Bakán a konna tu agum a tidug.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

1 Timoteo 4:15

Igimet mo iye hide a tungkulin sakay ilaan mo he u sadile mo, tánni ketan nu atanan u kállagu mo.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

2 Timoteo 2:3

Mákpagtággád ka tu hirap, bilang essa a tapat a sundalo ni Cristo Jesus.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

1 Pedro 1:13

Kanya ngani dapat kam a handa a gimitán u kaluuban nu Diyos. Magin mahinahun kam sakay ituun moy u pag-asa moy tu págpapala hide a tanggapán moy ni mehayag dán ti Jesu-Cristo.

Pahayag 3:2

Lumukag kamon, sakay pabegsákkán moy u nawahak nikam a pánnampalataya moy nikán, dipo ni awan ay matuluyan dán a matay. Dipo netan ko a awan palla karapat-dapat u gimet moy hide tu pangileng nu Diyos ko.