2 Timoteo 4:16 - U Maganda A Baheta Ni Jesu-Cristo

¹⁶ Awan nikán ti nákkuyog tu purumero de nikán a pángbista. Pinabayanák de a atanan a mágge-essa. Patawadán nakwa hide nu Diyos.

2 Timoteo 4:16 ပူးပေါင်းရင်းမြစ်များ

Markos 14:50

Ginuminan u atanan nu disepulus na hide sakay inwahak di siya.

Lukas 12:11

Kapag ni inyangay dikam tu sinagoga oni tu atubang nu puno hide sakay tu tehhod hide a mataas a katungkulan para akusaan dikam, dyan kam mabalisa tu itábbeg moy oni u ánya man a kagiyán moy,

Juan 16:32

Pero dumemát u odas a mamághiwewalay kam sakay magsoliyan tu bila-bilay moy, sakay iwahakák moy a mággeessa. Pero maski konna hod ay te kagumanák pade dipo kaguman ko u Ama.

Gimet 22:1

“Nadid, kákkapátkákka hide sakay dáddakál hide, sanigán moy kagiyán kuwáy nadid bilang págdipensa ti sadile kuwáy.”

Gimet 25:16

Tinábbeg ko hide, a awan tam ugale a Romano hide a magparusa tu essa a tolay ni awan na palla nakatubang u nangbintang nikuna, sakay ni awan palla naatádden ti pagkakataun a ipaliwanag u bintang hide nikuna bilang págtanggul tu sadili na.

Gimet 7:60

Sakay limmuhud ti Esteban sakay pimmákhaw, “Panginoon, patawadán mo hide ti kasalanan diyáy a ginimet de nikán!” Káttapos hod ay nahángsatan siya.

1 Corinto 13:5

Awan madukás u ugale na, awan makasadile, awan maáiyamután, sakay tukoy na a magpatawad tu kasalanan nikuna nu agum.

1 Corinto 9:3

Sa iye u tábbeg ko tu awan hide mangkilala tu pagkaapostol ko.

2 Corinto 7:11

Ilingán moy u inyatád nu kalungkutan a ayun tu kaluuban nu Diyos. Dipo ti ina ay nagin masigasig kam a patunayan a awan kam ti kasalanan tungkul tu bagay hide a kinagi ko. Naiyamut kam tu gimet a madukás sakay nagkahod kam ti ánteng. Nagin masigasig kam a mesole u date tam a pamággagum. Sakay pinarusaan moy a agad u te kasalanan hide. Pinatunayan moy dán ina nikán a áwan kam ti tukoy ti kasalananan itod.

Filipos 1:17

U agum ay mangaral a awan tapat tu kaluuban de nan tehhod a madukás a layunin, dipo gustuwák dila a pasakitan mentaras a hedák ti piresuwanáy.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

2 Timoteo 1:15

Tukoy mo be a inadagginak dán nu atanan a mannámpalataya hide ti Asia, pate di Figelo sakay ti Hermogenes.

2 Timoteo 4:10

Dipo linakadinák dán ni Demas, mas minahal na u makamundu hide a bagay, immangay siya nadid ti Tesalonica. Ti Cresente ay immangay be ti Galacia, sakay ti Tito ay immangay dán ti Dalmacia.

2 Timoteo 4:15

Magingat ka nikuna dipo matindi u págkontara na tu itáttoldu tam.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.