2 Timoteo 4:14 - U Maganda A Baheta Ni Jesu-Cristo

¹⁴ Grabi't dukás u ginimet nikán ni Alejandro a mágpanday. U Panginoon dálla u bahala a magparusa nikuna tu ginimet na nikán.

2 Timoteo 4:14 ပူးပေါင်းရင်းမြစ်များ

Roma 12:19

Mahal ko hide, dyan kam gumante. Ipaubaya moy ina tu Diyos. Dipo kinagi nu Panginoon tu Kasulatan, “Hikán u gumante, hikán be u magparusa.”

Roma 2:6

Dipo iyatád nu Diyos tu bawat essa u parusa ayun tu ginimet na hide.

2 Tesalonica 1:6

Gimitán nu Diyos u karapat-dapat; talaga a parusaan na u nagpahirap hide nikam.

1 Timoteo 1:20

Kabilang nide di Himeneo sakay ti Alejandro; kaya pinabayan ko dán hide tu kapangyariyan ni Satanas tánni matolduwan hide a umimang a magupos ti kontara tu Diyos.

2 Timoteo 4:15

Magingat ka nikuna dipo matindi u págkontara na tu itáttoldu tam.

1 Juan 5:16

Ni ti deyaman u maketa tu kapatkákka na a naggimet ti kasalanan a awan himmayun tu kákkatay ay ipagdasal na itod a kapatkákka tu Diyos a makapangatád nikuna ti bigu a biyag. Iye ay para tu kapatkákka hide a awan himmayun u kasalanan de tu kákkatay. Dipo tehhod a kasalanan a humayun ti kákkatay, pero awan ko kagiyán a ipagdasal moy u makán gimitán ti konna hod.

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 18:6

Gimitán moy nikuna u ginimet na nikam, sakay dubliyán moy u pággante moy tu ginimet na nikam. U pagpahirap a gusto na a ipabate tu agum ay ipadanas moy be nikuna ti masgrabi; Kumán a putatán moy u tasa na tu áinumán a mas mapet nan tu inhanda na nikam.

Pahayag 6:10

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?”