2 Timoteo 3:5 - U Maganda A Baheta Ni Jesu-Cristo

⁵ Magkukunware hide a tehhod a pánnampalataya pero awan labe ketan tu biyag de u kapangyariyan nu Diyos. Adeyuwan mo u konna he hide a tolay.

2 Timoteo 3:5 ပူးပေါင်းရင်းမြစ်များ

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

2 Tesalonica 3:14

Ni tehhod man hina a awan sumunud ti kákkagiyan kuwáy ti sulatáy, tandaan moy siya sakay iwasan para mapasanike siya.

2 Tesalonica 3:6

Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

1 Timoteo 4:8

Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.

1 Timoteo 5:8

Ni deya man u awan mangpospos tu kákkapatkákka na, lalu dán tu pamilya na ay immadág ti pánnampalataya, dipo mas madukás pa u ugali na nan tu awan ti pánnampalataya.

1 Timoteo 6:5

Gugusto na be a mákpágtabbegan tu tolay hide a madukás ti pággisipan sakay umád tu tatahoden. U akala de ay dilan u págsunud tu Diyos para yumaman.

2 Timoteo 2:16

Iwasan mo u uhunan hide a malaswa sakay awan ti serbi, dipo u tolay hide a mággimet ti konna he ay lalo la hide a umadeyo tu Diyos.

2 Timoteo 2:23

Iwasan mo u awan hide ti kuwenta a tábbegan dipo sangpáttán ni ina ay dimaan.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Tito 3:10

Nite tolay a paggábwatan nu pamágkampe-kampe, Pagkagiyan mo ti pumensan pero ni awan siya umimang ay pagkagiyan mo a huway ti kapenduwa pero ni awan pade siya mágsaneg ay adeyuwan mo dán siya.