2 Timoteo 3:16 - U Maganda A Baheta Ni Jesu-Cristo

¹⁶ U atanan a nakasulat a upos nu Diyos ay impesulat na tu pamamag-itan nu kapangyariyan na. Magamit iye tu págtoldu tu tatahoden, págsaway, págtuwid tu liwat a gimet, sakay mánggiya nikitam tu makadiyos a kákkabiyag.

2 Timoteo 3:16 ပူးပေါင်းရင်းမြစ်များ

Mateo 13:52

Kinagi pa ni Jesus nide “Kanya atanan a maisto nu kautusan nu Diyos a magin disepulus tu kahariyan nu Diyos ay konna tu essa a makákkao tu essa a bilay. Iluwas na u dati hide sakay bigu a kayaman tu bodega na.

Mateo 21:42

Tinanong hide ni Jesus, “Awan moy beman nabasa u nesulat tu Kasulatan? ‘U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!’

Mateo 22:43

“Ni konna hod,” kagi ni Jesus, “bakin dimmulaw nikuna a Panginoon ti David nikuna inggiyya siya nu Ispiritu? U kinagi na,

Mateo 26:54

Pero kodya a matupad u nesulat tu Kasulatan a dapat iye a mangyare?”

Mateo 26:56

Pero nangyari iye a atanan tánni matupad u insulat nu propeta hide tu Kasulatan.” Káttapos ay ginuminan u disepulus na hide sakay inwahak di siya a maggeessa.

Markos 12:24

Timmábbeg ti Jesus, “Mali kam, dipo awan moy naintendiyan u nakasulat tu Kasulatan nu Diyos sakay u kapangyariyan na.

Markos 12:36

Awan beman ti David dán u nagkagi tu tulung nu Banal a Ispirito a: ‘Kinagi nu Panginoon tu Panginoon ko, Mággetnod ka tu kawanan ko, hanggan a mapasuko ko niko u kadima mo hide.’

Juan 10:35

Sakay awan tam dapat a bali awanán u Kautusan. Kanya ni dinulaw na a ‘diyos’ U inatádden na hide ti mensahe,

Juan 3:20

U tolay a maggimet ti madukás ay umád tu demlag. Adeyuwan de u demlag tánni awan ketan u madukas de a gimet.

Gimet 1:16

“Kákkapatkákka ko hide, u nakasulat tu Banal a Kautusan nikuna a pinagupos nu Banal a Ispirito ti David tungkul ni Judas a nánggiya tu nangdakáp hide ni Jesus ay natupad dán.

Gimet 18:25

Natolduwan siya tungkul tu Dilan nu Panginoon Jesus sakay masipag siya a mangaral sakay itoldu na ti tama u tungkul ni Jesus. Pero u tukoy na la ay u intáttoldu hide ni Juan sakay u tungkul tu págbawtismo ni Juan.

Gimet 20:20

Tukoy moy a tu págtoldu ko sakay tu pángngaral ko nikam ay awanák nagalanganin a magkagi nikam maski ánya man a bagay a ikapiyya moy. Nagtolduwák ti hayagan pati be tu bila-bilay.

Gimet 20:27

Dipo awanák nagkemot nan impakapospos ko nikam u atanan a layunin nu Diyos.

Gimet 28:25

Kanya nikuna a awan hide mamágkasundu ay limmakad hide káttapos iye a kagiyán ni Pablo, “Tahod u kinagi nu Banal a Ispirito tu nunu tam hide tu pamamag-itan ni prupeta Isaias:

Roma 15:4

U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.

Roma 2:20

Sakay dipo hikam u timmanggap tu Kautusan ni Moises ay kákkagiyán moy a tukoy moy dán u atanan, kanya kákkagiyán moy a hikam u tagapagtoldu tu awan hide ti tukoy sakay tagapagtoldu tu anak palla hide ti pákkatukoy tu bagay hide tungkul tu Diyos.

Roma 3:2

Tahod a mas higit u Judio hide tu makpal a bagay: Dipalongo tu atanan, hide u nángkatiwalaan nu Diyos tu upos na.

Roma 4:23

Pero u upos a, “Inturing a matuwid,” ay bakán la a para ni Abraham,

1 Corinto 12:7

Inatádden nu Banal a Ispirito u balang essa nikitam ti sadile tam a kaluub, tánni magserbi kitam tu kaguman tam hide para tu kapiyaan de.

Galacia 3:8

Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

Hebreo 11:1

U pánnampalataya ay u págtiwala a mangyare u áasaan tam hide, sakay tehhod kitam a kasiguraduwan tu bagay hide a awan ketan.

Hebreo 3:7

Kanya konna tu kinagi nu Banal a Ispirito, “Ni masaneg moy nadid u upos nu Diyos ay,

Hebreo 4:12

Dipo u upos nu Diyos ay biyag sakay makapangyariyan sakay mas matalas nan u áttak a magdiluputan ti tadám, ladássán na hanggan tu paghiwalayan nu kaliduwwa sakay ispirito, kasukasuwan hanggan tu uták nu tulang. Sakay tukoy na u katoy tu isip sakay plano nu tolay.